ST Bus Accident: 35 प्रवाशांना घेऊन भीमाशंकरहून कल्याणकडे निघालेली बस, पुलावरून ओढ्यात कोसळली

या अपघातात बसमधून प्रवास करत असलेले 35 प्रवासी जखमी झाले.

त्यांच्यावर घोडेगाव ग्रामीण रुग्णालयात उपचार सुरू आहेत.

घोडेगाव-जुन्नर रस्त्यावर गिरवली गावाच्या पुढे एका अवघड वळणावर एसटी बस क्रमांक एमएच 14 बीटी 1582 घसरली आणि गाडी कठडे तोडून पुलावरुन खाली कोसळली.

नुकताच पाऊस झाला असल्याने रस्ता निसरडा झाला होता. त्यामुळे हा अपघात झाला असावा असा अंदाज प्रत्यक्षदर्शींनी व्यक्त केला आहे.

यामध्ये जखमी झालेल्या 35 प्रवाशांना घोडेगाव पोलीस ठाण्याचे सहाय्यक पोलीस निरीक्षक जीवन माने, गिरवली गावचे सरपंच संतोष सैद आणि ग्रामस्थांनी खाजगी वाहने, रुग्णवाहिका यामध्ये घोडेगाव ग्रामीण रुग्णालयात पोहचवलं.

या सर्व 35 जखमींवर घोडेगाव ग्रामीण रुग्णालयात उपचार सुरू आहेत.

या अपघातामध्ये सुदैवाने जीवितहानी झाली नाही.