1 लाखांची FD मॅच्योरिटीपूर्वीच मोडली तर काय? किती लागतो दंड? जाणून घ्या नियम

तुम्ही बँकेत FD केली असेल आणि ती मॅच्योरिटीपूर्वीच बंद करायची असेल, तर तुम्हाला FD करताना सांगितलेलं व्याज मिळणार नाही. यासंबंधिचा नेमका काय नियम आहे ते आपण जाणून घेऊया...

बँका प्रिमॅच्योर FD काढण्यावर व्याज काटले जाते, तसेच मिळालेल्या उर्वरित व्याजावर दंड आकारतात. व्याज आणि दंडाच्या तरतुदींबाबत प्रत्येक बँकेचे नियम वेगळे असू शकतात.

एसबीआयच्या नियमांनुसार, मॅच्योरिटीपूर्वी एफडी तोडण्यासाठी 1% पर्यंत व्याज कापले जाते. तसेच त्यावर मिळालेल्या व्याजावर दंड देखील वसूल केला जातो.

तुम्ही स्टेट बँक ऑफ इंडियामध्ये 5 लाख रुपयांपर्यंतची एफडी केली आणि मॅच्युरिटीपूर्वी ती मोडली तर तुम्हाला 0.50% दंड भरावा लागेल. दुसरीकडे, एफडी 5 लाखांपेक्षा जास्त आणि 1 कोटीपेक्षा कमी असल्यास, 1% दंड आहे.

तुम्हाला 1 वर्षाच्या कालावधीसाठी 1 लाख रुपयांची FD मिळाली आहे. ज्यावर तुम्हाला 6% दराने व्याज मिळेल. तुम्ही 1 वर्षापूर्वी FD संपवली तर तुम्हाला फक्त 5% व्याज मिळेल. यासोबतच मिळालेल्या व्याजावर दंड म्हणून 0.50% कपातही केली जाऊ शकते. अशा प्रकारे तुमचे दुहेरी नुकसान होईल आणि तुम्हाला फक्त 4.50% दराने व्याज मिळेल.

आपत्कालीन परिस्थितीत बँकांमधील ठेवी काढाव्या लागतात. परंतु या कालावधीत, व्याज संबंधित नुकसान टाळण्यासाठी, ग्राहक 2 पद्धती वापरु शकतात. पहिली म्हणजे संपूर्ण पैशाची एकाच वेळी FD मिळवू नका आणि छोट्या रकमेच्या अनेक एफडी करा किंवा कमी कालावधीची FD करा. तुम्हाला हवे असल्यास तुम्ही FD वर कर्ज देखील घेऊ शकता.