नव्या ‘टीम मोदी’ची वैशिष्ट्यं, या 7 गोष्टींचं होतंय विशेष कौतुक
केंद्रीय मंत्रिमंडळातील फेरबदलानंतर नव्या मंत्रिमंडळाचं सरासरी वयोमान घटलं असून त्याची सर्वसमावेशकता वाढल्याचं चित्र आहे. जाणून घेऊया, नव्या मंत्रिमंडळाची 7 वैशिष्ट्यं.
|
1/ 8
पंतप्रधान नरेंद्र मोदी यांच्या मंत्रिमंडळाचा विस्तार झाला आहे. अनेक जुने चेहरे मंत्रिमंडळातून बाहेर पडले असून नव्या चेहऱ्यांना संधी देण्यात आली आहे. त्यामुळे मंत्रिमंडळाचा चेहरामोहरा बदलला आहे.
2/ 8
या मंत्रिमंडळाचं स्वरूप सर्वसमावेशक ठेवण्याचा प्रयत्न झाला आहे. मंत्रिमंडळात सध्या 12 अनुसुचित जातींचे, 8 अनुसुचित जमातींचे, 27 ओबीसींचे तर 5 अल्पसंख्याक मंत्री आहेत.
3/ 8
नव्या मंत्रिमंडळात वेगवेगळ्या 9 राज्यांतील एकूण 11 महिला आहेत. त्यातील दोघींना कॅबिनेट मंत्रिपदाची जबाबदारी देण्यात आली आहे.
4/ 8
अनुसुचित जातींच्या 12 मंत्र्यांपैकी दोघांना, तरअनुसुचित जमातीच्या 8 पैकी 3 जणांना कॅबिनेट मंत्रिपद देण्यात आलं आहे.
5/ 8
ओबीसी समाजातील 27 मंत्री असून त्यातील 5 मंत्र्यांना कॅबिनेट दर्जा आहे.
6/ 8
नव्या मंत्रिमंडळाचं वय कमी झालं आहे. यापूर्वी मंत्रिमंडळाचं सरासरी वय 61 वर्षं होतं. तर नव्या चेहऱ्यांचं सरासरी वय 58 वर्षं आहे.
7/ 8
देशातील सर्व राज्यांना या मंत्रिमंडळात प्रतिनिधित्व देण्यात आलं आहे. राजकीय आणि प्रशासकीय अशा दोन्ही क्षेत्रातील अनुभवी व्यक्तींचा मंत्रिमंडळात समावेश करण्यात आला आहे.
8/ 8
फेरबदलानंतर आता 7 मंत्री डॉक्टरेट मिळवलेले, 3 एमबीए तर 68 मंत्री पदवीधर आहेत. शिवाय एकूण 13 वकील, 6 डॉक्टर आणि 5 मंत्री इंजिनिअर आहेत.