Railway News: या आहेत भारतातील सर्वात जुन्या ट्रेन, आजही धावताय रुळांवर; तुम्हीही यातून प्रवास केलाय का?

भारतातील जवळपास सर्वच लोकांनी ट्रेनमध्ये प्रवास केला असेल. आज आम्ही तुम्हाला देशातील 5 सर्वात जुन्या गाड्यांबद्दल सांगणार आहोत ज्या अजूनही भारतीय रेल्वेद्वारे चालवल्या जातात. यापैकी एक ट्रेन संपूर्ण भारताचे उत्तर ते दक्षिणेपर्यंत धावते. चला जाणून घेऊया या ट्रेन्सबद्दल.

कालका मेल - ही देशातील सर्वात जुनी ट्रेन आहे जी अजूनही चालू आहे. याची सुरुवात 1886 मध्ये झाली. ती पश्चिम बंगालमधील कालका ते हावडा स्टेशनपर्यंत धावते. ती सुरू झाली तेव्हा या ट्रेनचा नंबर 1 अप आणि 2 डाउन होता. त्याचा पहिली ईस्ट इंडियन रेल्वे मेल होता.

पंजाब मेल - ही दुसरी सर्वात जुनी ट्रेन आहे जी अजुनही सुरु आहे. पंजाब मेल 1 जून 1912 रोजी सुरू झाला. ही ट्रेन धावून 111 वर्षे झाली आहेत. पूर्वी ही ट्रेन पंजाब लिमिटेडच्या नावाने धावायची. ती फिरोजपूर कॅंटपासून सुरू होते आणि भटिंडा, दिल्ली किशनगंज, फरीदाबाद मार्गे छत्रपती शिवाजी महाराज टर्मिनलपर्यंत पोहोचते.

फ्रंटियर मेल - ही ट्रेन 1928 पासून धावत आहे. ही ट्रेन मुंबईहून निघते आणि दिल्लीमार्गे अमृतसरला जाते. 1996 पासून त्याचे नाव बदलून गोल्डन टेंपल एक्सप्रेस करण्यात आले. ही भारतातील पहिली ट्रेन होती ज्यामध्ये एसी कोच बसवण्यात आले होते. 1934 मध्ये पहिल्यांदा त्यात एसी बसवण्यात आले.

ग्रँड ट्रंक एक्सप्रेस - ही भारतातील सर्वात लांब पल्ल्याच्या ट्रेनपैकी एक आहे. त्याची सुरुवात 1 एप्रिल 1929 रोजी झाली. तेव्हा पाकिस्तान भारतापासून वेगळा झाला नव्हता. ही ट्रेन पेशावर ते मंगळुरूपर्यंत चालवण्यात आली होती. मात्र, आता ती दिल्ली ते चेन्नई सेंट्रलपर्यंत धावते आणि यादरम्यान एकूण 40 स्टेशनवर प्रवासी उतरतात.

बॉम्बे-पुना मेल- ही देशातील सर्वात जुनी ट्रेन होती. मात्र, आता ती चालणार नाही. याची सुरुवात 1849 मध्ये झाली. ही ट्रेन ग्रेट पेनिन्सुला रेल्वेने चालवली होती. या ट्रेनच्या जागी 1971 मध्ये त्याच वेळी सह्याद्री एक्स्प्रेस नावाने नवीन ट्रेन धावली.