Real Estate: प्रॉपर्टीत आहे पैसाच पैसा! या 6 गोष्टी लक्षात ठेवल्यास मिळेल जबरदस्त नफा

गुंतवणुकीच्या दृष्टिकोनातून, तुम्ही रेजिडेंशियल मालमत्ता किंवा व्यावसायिक मालमत्ता खरेदी करत असाल तर महत्वाच्या टिप्स जाणून घ्या. जर तुम्ही हे काम योग्य तपास न करता केले तर तुम्हाला नफ्याऐवजी तोटाच होईल. तुम्ही खरेदी करत असलेल्या मालमत्तेतून तुम्हाला नफा मिळावा, अशी तुमची इच्छा असेल, तर मालमत्ता खरेदी करण्यापूर्वी तुम्ही काही मुलभूत गोष्टींचं पालन करायला हवं.

कोणत्याही प्रॉपर्टीचं लोकेशन भविष्यात तिची किंमत वाढवण्यात महत्त्वाची भूमिका बजावते. नेहमी अशा ठिकाणी मालमत्ता खरेदी करा जिथे मूलभूत सुविधा आहेत. रुग्णालय, शाळा आणि बाजारपेठेपासून वाजवी अंतरावर रहा. यासोबतच त्या भागाचा आणखी विकास होणार आहे का याची माहिती घ्या.

एखाद्या डेव्हलपरने बनवलेल्या हाउसिंग सोसायटीमध्ये तुम्ही कोणतीही प्रॉपर्टी घेत असाल, तर त्या डेव्हलपर्सच्या रेप्यूटेशनविषयी अवश्य जाणून घ्या. केवळ प्रसिद्ध डेव्हलपर्सने विकसित केलेल्या सोसायट्यांमधील प्रॉपर्टी खरेदी करा.

फ्लॅट किंवा प्लॉट खरेदी असो, त्याच्या लीगल स्टेटसविषयी अवश्य माहिती घ्या. संपत्ती विवादीत नसावी आणि त्याचं टायटल क्लियर करावं. यासोबतच त्याला स्थानिक स्वराज्य संस्थेची आवश्यक मान्यताही मिळालेली हवी.

प्रॉपर्टी खरेदी करण्यासाठी तुमची आर्थिक क्षमता तुम्हाला नेहमी माहीत असायला हवी. प्रॉपर्टी खरेदी करण्यापूर्वी, रजिस्ट्रेशन फीस, स्टांप ड्यूटी, टॅक्स आणि इतर खर्च मोजले पाहिजेत जेणेकरून आपण खरेदी करणार असलेली मालमत्ता आपल्या बजेटमध्ये आहे की नाही हे आपल्याला समजेल.

तुम्ही ज्या ठिकाणी प्रॉपर्टी घेत आहात, त्या ठिकाणी वीज, पाणी, सीवरेज या मूलभूत सुविधांची माहिती मिळवा. पार्क शॉपिंग सेंटर, शाळा आणि हॉस्पिटल यांसारख्या सुविधांबद्दल देखील जाणून घ्या. या गोष्टी मालमत्तेचे मूल्य वाढवण्यात महत्त्वपूर्ण योगदान देतात.

कोणतीही प्रॉपर्टी खरेदी करण्यापूर्वी, स्थानिक रिअल इस्टेट बाजारातील ट्रेंड अवश्य शोधा. बाजार तेजीत आहे की मंदी आहे हे जाणून घेतल्यानंतरच निर्णय घ्या.

रिअल इस्टेट इन्व्हेस्टमेंट ही दीर्घकालीन गुंतवणूक आहे. म्हणूनच तुम्ही एग्जिट स्ट्रॅटर्जी अगोदरच बनवावी. प्रॉपर्टी खरेदी करण्यापूर्वी तुम्ही किती वर्षांनी प्रॉपर्टी विकायची हे ठरवावे. यासह, जर तुम्हाला निश्चित लक्ष्यापूर्वी प्रॉपर्टी विकायची असेल, तर तुम्हाला संभाव्य नफा किंवा तोटा विचारात घेणे आवश्यक आहे.