ट्रेनमध्ये व्हॉट्सअपवरुन ऑर्डर करा रेस्टॉरंटमधील जेवण! रेल्वेने जारी केला नंबर

रेल्वे प्रवासादरम्यान मिळणारे जेवण तुम्हाला आवडत नसेल आणि तुम्हाला ते खाण्याची इच्छा नसेल तर ही बातमी तुमच्यासाठी फायदेशीर आहे.

रेल्वेने तुम्हाला दुसरा पर्याय दिला आहे. तुम्ही व्हॉट्सअॅपवर जेवण ऑर्डर करू शकता. रेल्वेच्या PSU IRCTC ने ही नवीन सुविधा सुरू केली आहे. यासाठी +91-8750001323 हा क्रमांकही जारी करण्यात आला आहे.

आतापर्यंत ई-कॅटरिंगद्वारे ट्रेनमध्ये खाद्यपदार्थ बुक केले जाऊ शकत होते. त्यात फक्त बुक करण्याची सोय होती, ती वन-वे होती, म्हणजे पर्याय नव्हता किंवा एखादी सूचना द्यायची असेल तर त्यासाठीही व्यवस्था नव्हती.

प्रवाशांची ही समस्या लक्षात घेऊन आयआरसीटीसीने चॅटबोट सुरू केला आहे, ज्याद्वारे प्रवासी जेवण बुक करू शकतील. प्रवाशांनी दिलेल्या सूचना आणि फीडबॅक दुसऱ्या ट्रेनमध्ये देखील लागू केल्या जातील.

यामध्ये तुम्ही तुमच्या आवडत्या रेस्टॉरंटमधून जेवण ऑर्डर करू शकता. म्हणजेच त्यात रेस्टॉरंटचा पर्याय देण्यात आला आहे. सध्या IRCTC दररोज 50000 जेवण ई-कॅटरिंगद्वारे पुरवत आहे.