Home Loan: होम लोनचा ईएमआय भरणं कठीण जातंय? तुमच्याकडे आहेत 'हे' पर्याय

तुम्ही तुमच्या होम लोनचा हप्ता तीन किंवा त्याहून अधिक महिने भरला नाही, तर कर्जदाता तुमचे कर्ज NPA खात्यात टाकू शकतो. एकदा कर्ज NPM कडे गेल्यावर, सावकार पैसे वसूल करण्यासाठी कठोर पावले उचलू शकतो. एवढंच नाही तर तुम्ही होम लोनची अमाउंट वेळेवर भरली नाही तर तुमच्या क्रेडिट स्कोअरवरही चुकीचा परिणाम होईल. यामुळे भविष्यात तुम्हाला कर्ज घेण्यास अडचणी येऊ शकतात.

एक्सपर्टनुसार, एकदा होम लोनची रक्कम एनपीएमध्ये गेल्यानंतर कर्ज देणारी बँक किंवा संस्था कायदेशीर कारवाई देखील करू शकतात. होम लोनचा ईएमआय न भरल्यास साधारणपणे 1 ते 2 टक्के व्याजदर लागू केला जाऊ शकतो.

तुम्ही कर्ज घेतले असेल आणि आर्थिक समस्येतून जात असाल, तर तुम्ही तुमच्या सावकाराशी संपर्क साधून तुमची समस्या समजावून सांगणे महत्त्वाचे आहे. एक्सपर्टनुसार, त्याच्याकडे आर्थिक समस्या सोडवण्यासाठी अनेक योजना असू शकतात, ज्या अंतर्गत तुम्हाला दिलासा दिला जाऊ शकतो.

कर्जदात्याकडे ईएमआय कमी करणे, कर्जाचा कालावधी वाढवणे यासारख्या अनेक योजना असू शकतात. याशिवाय तुम्ही रिपेमेंटचा ऑप्शनही निवडू शकता.

दुसरीकडे, तुमच्याकडे कोणतीही अतिरिक्त अमाउंट गुंतवलेली असली तरीही, तुम्ही ती वापरून कर्जाची रक्कम परत करू शकता. याशिवाय, अतिरिक्त खर्च बंद करून, बजेट आखून रक्कम वाचवू शकता.

ईएमआय वेळेवर भरण्यासाठी मंथली बजेट बनवणं आवश्यक आहे. त्याच वेळी, तुम्ही कर्ज भरण्याच्या पद्धती जाणून घेण्यासाठी एखाद्या एक्सपर्टचा सल्लाही घेऊ शकता.