कमी खर्चात Flipkart वर खरेदी करायचीये? मग 'या' कार्डविषयी माहिती असायलाच हवी

देशात क्रेडिट कार्डचा ट्रेंड वाढत आहे. खरेदी करताना तुम्ही क्रेडिट कार्डद्वारे काही गिफ्ट्स आणि कॅशबॅक ऑफर देखील घेऊ शकता. तुम्ही टॉप ई-कॉमर्स कंपनी फ्लिपकार्ट वरून नियमित खरेदी करत असाल, तर फ्लिपकार्ट अ‍ॅक्सिस बँक क्रेडिट कार्ड तुमच्यासाठी एक उत्तम कार्ड ठरू शकते.

फ्लिपकार्ट अ‍ॅक्सिस बँक क्रेडिट कार्ड हे को-ब्रँडेड क्रेडिट कार्ड आहे. यामध्ये फ्लिपकार्ट शॉपिंगवर एक्स्ट्रा फायदा मिळतो. फ्लिपकार्ट अ‍ॅक्सिस बँक क्रेडिट कार्डचे सर्वात मोठे वैशिष्ट्य म्हणजे कॅशबॅकवर कोणतीही मर्यादा नसते. म्हणजेच तुम्ही एका बिलिंग सायकलमध्ये अनलिमिटेड कॅशबॅक मिळवू शकता. कमावलेला कॅशबॅक तुमच्या क्रेडिट कार्ड अकाउंटमध्ये जमा होतो.

या कार्डद्वारे Flipkart आणि Myntra वर केलेल्या खरेदीसाठी 5 टक्के अनलिमिटेड कॅशबॅक मिळते. तसेच Cleartrip, PVR, Uber, Swiggy, Cure.Fit आणि Tata Sky वर खर्च करण्यावर 4% कॅशबॅक उपलब्ध आहे.

इतर ऑनलाइन किंवा ऑफलाइन पेमेंट करण्यासाठी 1.5% अनलिमिटेड कॅशबॅक मिळते. कोणत्याही ई-वॉलेट लोड, फ्यूल खर्च इत्यादींवर कोणताही कॅशबॅक उपलब्ध नाही. कार्ड होल्डरला वर्षभरात 4 एअरपोर्ट लाउंजमध्ये फ्री अॅक्सेस मिळतो.

या कार्डद्वारे पेट्रोल पंपांवर 400 ते 4 हजार रुपयांच्या फ्यूल खरेदीवर 1 टक्के फ्यूल सरचार्ज भरावा लागणार नाही. बिलिंग सायकलमध्ये कमाल 500 रुपयांचा फ्यूल सरचार्ज माफ केला जाऊ शकतो. हे कार्ड कॉन्टॅक्टलेस तंत्रज्ञानाने सुसज्ज आहे. जे ग्राहकांना 'टॅप आणि पे' ची सुविधा देखील देते. म्हणजेच कार्ड स्वाइप न करता फक्त POS मशीनवर टॅप करून पेमेंट करता येते.