Nagpur Weather Update : नागपुरात उष्णतेचा कहर, पाहा आज काय असेल तापमान

गेल्या काही दिवसांत झालेल्या अवकाळी पावसाने आता विश्रांती घेतल्यानंतर तापमानात परत वाढ होत आहे.

सर्वत्र उष्णतेची दाहकता बघता दमट व घाम कढणारे वातावरण झाल्याने नागपूरकरांचा मनस्ताप वाढला आहे.

नागपुरात काल 1 जून रोजी कमाल तापमान 42.5 अंश सेल्सिअस होते तर किमान तापमान 24.1 अंश सेल्सिअस होते.

आज 2 जून रोजी शहरातील वातावरण पूर्णतः कोरडे असून कुठलीही धोक्याची सूचना नसल्याचां अनुमान नागपूर प्रादेशिक हवामान विभागाच्या वतीने वर्तविण्यात आला आहे.

पुढील 2 जुन ते 4 जून दरम्यान तापमानात कमाल 2-3 अंश सेल्सिअसने वाढ होणार असून त्या नंतर फार मोठा बदल होणार नाही अशी माहिती प्रादेशिक हवामान विभागाच्या वतीने देण्यात आली आहे.

आवश्यकता नसल्यास दुपारी घराबाहेर न पडण्याचे नागपूर प्रादेशिक केंद्राद्वारे आवाहन करण्यात आले आहे.