आदित्य ठाकरे यांची सरप्राईज व्हिजिट; म्हणाले, अजून कोरोनाला आपला कंटाळा आलेला नाही!

कोरोनाचा वाढता प्रभाव पाहता राज्याचे पर्यावरण मंत्री आदित्य ठाकरे यांनी ठाणे महापालिकेत सरप्राईज व्हिजिट दिली. आयुक्त डॉ विपीन शर्मा यांच्यासह चार महापालिकेच्या आयुक्तांबरोबर तातडीनं बैठक घेतली.

बैठकीत पालकमंत्री एकनाथ शिंदे , खासदार राजन विचारे, आमदार रवींद्र फाटक, महापौर नरेश म्हस्के यांच्यासह इतर अधिकारी उपस्थित होते.

कोरोनाचा वाढता प्रभाव थांबवण्यासाठी मोठ्या प्रमाणात टेस्टिंगची कामे सुरू आहेत. जास्तीत जास्त तपासणी करण्याकरिता आदित्य ठाकरे यांनी सांगितले आहे.

कोरोनाला आपला कंटाळा आलेला नाही, त्यामुळे आपण काळजी घेणे गरजेचे असल्याचे आदित्य ठाकरे यांनी सांगितले आहे.

दुसरीकडे, विरोधकांनी त्यांचे काम करत राहो, त्यांचे ते कामच आहे, असं देखील आदित्य ठाकरे यावेळी म्हणाले.