PCOS च्या समस्येने त्रस्त असाल तर ही फळं नक्की खा; अन्यथा गर्भधारणेत येऊ शकते अडचण

PCOS ची काही सामान्य लक्षणे म्हणजे अनियमित मासिक पाळी येणे किंवा मासिक पाळीचा अभाव, पुरळ, केसांची अतिरिक्त वाढ, वजन वाढणे, तेलकट त्वचा. ही फळं तुमची मदत करतील.

नाशपाती : E Times मध्ये दिलेल्या माहितीनुसार, नाशपातीचाही गलयसेमिक इंडेक्स कमी आहे आणि फायबरचे प्रमाण जास्त आहे. हे तुमचे वजन कमी करण्यासाठी योग्य आहे.

सफरचंद : सफरचंदाचा ग्लायसेमिक इंडेक्स कमी असतो आणि ते इंसुलिन प्रतिरोधक क्षमता व्यवस्थापित करण्यासाठी उत्तम असतात. सफरचंद कमी कॅलरी आणि स्वादिष्ट चवीचा परिपूर्ण नाश्ता आहे.

संत्री : संत्र्यामध्ये व्हिटॅमिन सी मोठ्या प्रमाणावर असते. त्यात असलेल्या अँटिऑक्सिडंट्स आणि फायबरमुळे तुमच्या रक्तातील साखरेची पातळी वाढत नाही आणि हळूहळू रक्तातील साखर शोषून घेते.

पीच आणि प्लम्स : या दोन्ही फळांमध्ये दाहक-विरोधी गुणधर्म आहेत, जे PCOS ने त्रस्त असलेल्या महिलांसाठी चांगले आहेत.

किवी : किवींचा ग्लायसेमिक इंडेक्स कमी, उच्च व्हिटॅमिन सी, व्हिटॅमिन ई आणि पोटॅशियम असते. दुपारच्या स्नॅक्समध्ये आपण किवी खाऊ शकतो.

बेरी : ब्लूबेरी, स्ट्रॉबेरी, रास्पबेरी आणि ब्लॅकबेरी हे अँटिऑक्सिडंट्स आणि दाहक-विरोधी घटकांचे उत्तम स्त्रोत आहेत.

पपई : कच्ची किंवा पिकलेली पपई हे अँटिऑक्सिडंट्सचा एक उत्तम स्रोत आहे. यात दाहक-विरोधी गुणधर्मांसह पीसीओएसची लक्षणे कमी करण्यात मदत करू शकते.

डाळिंब : या फळामध्ये लोहाचे प्रमाण जास्त आहे आणि ते सक्रिय अँटिऑक्सिडंट म्हणून ओळखले जाते. डाळिंब लोहाचे प्रमाण वाढवण्यासाठी आणि जळजळ कमी करण्यासाठी उत्तम आहे.

द्राक्षे : द्राक्षांमध्ये केवळ फायबर आणि जीवनसत्त्वे नसतात तर त्यामध्ये मोठ्या प्रमाणात अँटीऑक्सिडंट्स देखील असतात. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)