Instant Glow : चहा प्यायल्यानंतर पत्ती फेकू नका, असा करा वापर, चेहऱ्यावर येईल अप्रतिम चमक!

चहाच्या पानांचा स्क्रब बनवून त्वचेवर वापरला जाऊ शकतो. यासाठी चहाची पाने थोड्या पाण्यात टाकून उकळा. नंतर त्याचे पाणी काढून, पत्ती गाळून स्वच्छ पाण्याने धुवा. त्यानंतर चहाच्या पानात थोडे मध, गुलाबपाणी, तांदळाचे पीठ आणि लिंबाचा रस मिसळून स्क्रब बनवा आणि चेहऱ्यावर लावा आणि गोलाकार हालचालीत मसाज करा. पंधरा मिनिटे तसेच राहू द्या, नंतर स्वच्छ पाण्याने चेहरा धुवा.

टॅनिंग निघून जाईल : टॅनिंग दूर करण्यासाठी चहाची पाने प्रभावी आहे. वास्तविक चहाच्या पानांमध्ये असलेले अँटी-ऑक्सिडंट घटक त्वचेला टॅनिंग आणि सनबर्नपासून मुक्त करण्यात मदत करतात. याच्या वापराने चेहऱ्यावर नैसर्गिक चमक येते आणि त्वचा मुलायम होते.

काळी वर्तुळे कमी होतील : काळी वर्तुळे चेहऱ्याचे सौंदर्य फिके पाडण्याचे काम करतात. अशा परिस्थितीत डोळ्यांखालील वर्तुळे काढण्यासाठी तुम्ही चहाच्या पानांच्या स्क्रबचा वापर करू शकता. डोळ्यांखालील काळी वर्तुळे दूर करण्यासोबतच त्वचा मुलायम बनवते.

तेलकट त्वचेपासून सुटका : त्वचेचा तेलकटपणा कमी करण्यासाठी तुम्ही चहाच्या पानांचा वापर करू शकता. भरपूर प्रमाणात अँटी-ऑक्सिडेंट घटक असलेली चहाची पाने तेलकट त्वचेची समस्या कमी करतात. त्वचेचे अतिरिक्त तेल नियंत्रित करून त्वचेची खुली छिद्रे कमी करण्यास हे उपयुक्त ठरते.

मृत त्वचेच्या पेशी काढल्या जातील : त्वचेच्या मृत पेशी काढून टाकण्यासाठी चहाची पाने देखील चांगली भूमिका बजावतात. यासाठी तुम्ही चहाच्या पानांचा स्क्रब बनवून पंधरा दिवसांतून एकदा वापरू शकता. यामुळे तुमची त्वचा मुलायम होते आणि चमकते.