पिवळ्या केळीपेक्षा जास्त पौष्टिक असते लाल केळी! कॅन्सरसारख्या 5 गंभीर आजारांचा धोका करते कमी

या केळीची साल लाल रंगाची आहे तर आतला लगदा सामान्य केळ्यासारखा आहे. त्याचे बहुतांश उत्पादन दक्षिण पूर्व आशियामध्ये होते. ही लाल केळी सामान्य केळीपेक्षा लहान असते, तर चवीला खूप गोड असते. हेल्थलाइनमध्ये प्रसिद्ध झालेल्या बातमीनुसार याचे फायदे काय आहेत जाणून घेऊया.

मधुमेहासाठी फायदेशीर : लाल केळी मधुमेहाच्या रुग्णांसाठी गुणकारी मानली जाते. याचे नियमित सेवन केल्याने साखरेवर नियंत्रण ठेवता येते. हे खाल्ल्याने रक्तातील साखरेची पातळी अचानक वाढण्याचे प्रमाण कमी होते. लाल केळ्यांना कमी ग्लायसेमिक प्रतिसाद असतो, जो मधुमेहाच्या रुग्णांसाठी फायदेशीर आहे.

रक्तदाब नियंत्रित ठेवते : लाल केळी रक्तदाबाच्या रुग्णांसाठीही खूप फायदेशीर मानले जाते. लाल केळीमध्‍ये भरपूर पोटॅशियम असते, जे रक्तदाब कमी करते आणि हृदयविकाराचा धोका कमी करते. त्यामुळे रक्तदाब नियंत्रित ठेवायचा असेल तर लाल केळी खावी.

डोळ्यांसाठी फायदेशीर : लाल केळी डोळ्यांची दृष्टी वाढवण्यासाठीही गुणकारी मानली जाते. त्यात ल्युटीन आणि झेक्सॅन्थिन नावाची मूलद्रव्ये आढळतात. तसेच त्यात बीटा-कॅरोटीनोइड्स आणि व्हिटॅमिन ए भरपूर प्रमाणात असते. म्हणूनच त्याच्या वापराने दृष्टी वाढते.

रोगप्रतिकारक शक्ती वाढवते : लाल केळ्यामध्ये असलेले व्हिटॅमिन सी आणि बी व्हिटॅमिन रोगप्रतिकारक शक्ती सुधारते. याशिवाय व्हिटॅमिन बी6 शरीरातील पांढऱ्या रक्त पेशींचे संरक्षण वाढवते. ही सर्व पोषकतत्वे शरीरातील अँटीबॉडीज मजबूत बनवतात. त्यामुळे शरीराला रोगांशी लढण्याची ताकद मिळते.

हाडे मजबूत करते : लाल केळ्याचे नियमित सेवन केल्याने हाडे मजबूत होतात. यासोबतच लाल केळ्यामध्ये भरपूर पोटॅशियम आढळते, जे किडनीमध्ये स्टोन तयार होण्यास प्रतिबंध करते. लाल केळी कार्बोहायड्रेटचा एक चांगला स्रोत आहे. याच्या सेवनामुळे शरीरात दीर्घकाळ ऊर्जा राहते.

कर्करोगाचा धोका कमी करते : लाल केळ्याच्या सेवनाने कर्करोग आणि हृदयाशी संबंधित आजारांचा धोकाही कमी होतो. त्यात लायकोपीन नावाचे शक्तिशाली अँटीऑक्सिडेंट फायटोकेमिकल असते, जे त्याला लाल रंग देते. लायकोपीनयुक्त पदार्थ खाल्ल्याने प्रोस्टेट कर्करोगाचा धोका कमी होण्यास मदत होते.