ताटातील कडीपत्ता काढू नका, महत्त्वाच्या सर्वच आजारांवर आहे गुणकारी औषध

कडीपत्ता (Curry Leaves) हा भारतीय जेवणातला (Indian Food) महत्वाचा भाग आहे. कडीपत्ता जेवणाची चव वाढवतो आणि आरोग्यवर्धकही आहे. आयुर्वेदात (Ayurveda) कडीपत्त्याच्या पानांचं महत्व सांगितलेलं आहे.

कडीपत्त्याला मुराया कोएनिजी (Murraya Koenigii) म्हटलं जातं. जे रुतासी फॅमिलीचा (Rutaceae) भाग आहे. आयुर्वेदात त्याच्या औषधी गुणधर्मांविषयी सांगण्यात आलं आहे. भारतात जेवणाची चव वाढवण्यासाठी याचा वापर केला जातो.

कडीपत्त्यात कोलेस्ट्रॉल कमी करणारे घटक असतात. याच्या पानांमध्ये अल्कलॉईड असतं जे शरीरातील कोलेस्ट्रॉल आणि ट्रायग्लिसराईड कमी करतात. त्यामुळे हृदयाचं आरोग्य चांगलं राहतं.

शुगर नियंत्रणात ठेवण्यासाठी डायबेटीज पेशंटने कडीपत्याच्या पानांचा वापर करावा. याने हाय ब्लड शुगर लेव्हल कमी होते. डायबेटीज, किडनीचे आजार यात फायदा होतो.

शरीरावर सुज येत असेल तर, कडीपत्ता उपयोगी आहे. कडीपत्त्यात अँनटी-इंफ्लमेटरी गुण असतात, जे शरीरातील सूज कमी करण्यास मदद करतात.

वजन कमी करण्यासाठी कडीपत्त्याची पानं चाऊन खाल्ल्याने फायदा होतो. कडीपत्त्यात फायबरचं प्रमाण जास्त असतं. त्यामुळे पचन क्रिया सुधारते.

शरीरातील अतिरिक्त चरबी कमी हाण्यास मदत होते. शरीरात कोलेस्ट्रॉल कमी झाल्यास वजनही कमी होऊ शकतं.

कडीपत्त्यातील कार्बेजोल ऍन्टीबॅक्टेरियल आणि ऍन्टी-इंफ्लमेटरी गुणांमुळे पोटाच्या समस्या कमी होतात. आयुर्वेदानुसार कडीपत्ता पित्त दोष आणि अपचनाची समस्या कमी करतो.