Vicky-Katrina: 'बायकोच करते बर्थडेचं प्लॅनिंग...' कतरिनासोबत लग्नानंतर असं बदललं विकीचं आयुष्य; अभिनेत्याचा खुलासा

विकी कौशल सारा अली खानसोबत द कपिल शर्मा शोमध्ये त्यांच्या जरा हटके जरा बचके या चित्रपटाच्या प्रमोशनसाठी आला होता. हा चित्रपट थिएटरमध्ये प्रदर्शित झाला असून, चांगली कमाई करत आहे.

विकी कौशलने नुकतंच लग्नानंतर त्याचं आयुष्य कसं बदललं आणि कतरिना त्याच्या वाढदिवसाचं प्लॅनिंग कसं करते याबाबत खुलासा केला आहे.

कपिल शर्माने विकी कौशलला विचारले की लग्नापूर्वी आणि नंतरच्या वाढदिवसाच्या सेलिब्रेशनमध्ये काही फरक आहे का? याबाबत विकी म्हणाला, 'गेल्या वर्षी लग्नानंतरचा पहिला वाढदिवस होता. तो आम्ही फक्त मित्रांसोबत सेलिब्रेट केला. आता कतरिनाही त्या ग्रुपमध्ये होती, त्यामुळे आम्ही सर्वांनी मिळून पार्टी केली.

विकीने पुढे खुलासा केला की कतरिनाने त्याच्या वाढदिवसासाठी छोट्या छोट्या गोष्टींची काळजी कशी घेतली. तो म्हणाला, 'आम्हा दोघांमध्ये कतरिना प्लॅनर आहे. तिथं जेवढं नियोजन केलं जातं, तितकं माझं मन काम करत नाही.

काही काळ एकमेकांना डेट केल्यानंतर कॅटरिना आणि विकी कौशल यांनी 9 डिसेंबर 2021 रोजी लग्न केले.

विकी कौशलने काही काळापूर्वी लग्नानंतर त्याच्यात कसे बदल झाले याबद्दल सांगितले होते. 'जरा हटके जरा बचके' चित्रपटाच्या ट्रेलर लॉन्चवेळी विकीने लग्नाच्या एक दिवस आधी दारू प्यायल्याचा खुलासा केला. लग्नाच्या दुसऱ्याच दिवशी त्याचा हँगओव्हर उतरला होता.

विकी कौशल आता 'द ग्रेट इंडियन फॅमिली', 'सॅम बहादूर', 'मेरे मेहबूब मेरे सनम' आणि 'डँकी' यांसारख्या चित्रपटांमध्ये दिसणार आहे. त्याचवेळी कतरिना कैफचा 'टायगर 3' आणि 'मेरी ख्रिसमस' रिलीज होणार आहे.

विकी कौशल आणि कतरीना विषयी प्रत्येक गोष्ट ऐकायला चाहते आतुर असतात. त्यामुळे विकीने बायकोविषयी केलेला हा खुलासा चर्चेत आला आहे.