Rashmika Mandana: नॅशनल क्रश रश्मीकाला पडली मराठमोळ्या लावणीची भुरळ; पाहा तिच्या दमदार डान्सची एक झलक

रश्मीका मंदाना साऊथ चित्रपटसृष्टीतील एक लोकप्रिय अभिनेत्री आहे. मागच्या वर्षात आलेल्या 'पुष्पा' चित्रपटात तिने श्रीवल्ली ही भूमिका साकारत सगळ्यांनाच वेड लावले होते.

एवढंच नाही तर रश्मीकाने बॉलिवूडमध्ये देखील पदार्पण केलं आहे. पहिल्याच चित्रपटात ती बिग बींच्या सोबत 'गुडबाय' या सिनेमात झळकली होती. तर नुकतीच ती सिद्धार्थ मल्होत्रा सोबत 'मिशन मजनू' मध्ये देखील दिसली होती.

आता ही रश्मीका नुकतीच झी गौरवच्या पुरस्कार सोहळ्यात सामील झाली होती. त्याचे फोटो सध्या समोर आले आहेत.

एवढंच नाही तर रश्मीकाने या सोहळ्यात खास मराठमोळी लावणी सादर केली.

रश्मीकाच्या दमदार परफॉर्मन्सची झलक आता समोर आली आहे.

झी गौरवच्या मंचावर रश्मीका मराठमोळ्या लावणीवर थिरकताना पाहायला मिळणार आहे.

त्यामुळे रश्मीकाची लावणी पाहण्यासाठी आता तिचे चाहते आतुर झाले आहेत.

झी चित्र गौरव पुरस्कार सोहळा 26 मार्च, रविवार रोजी संध्या. 7 वा. प्रेक्षकांना पाहायला मिळणार आहे.