Rahul deshpande : 'आधी कृती मग सल्ला' हे ब्रीद पाळत राहुल देशपांडेंचा अनोखा उपक्रम; पाहा फोटो

गायक राहुल देशपांडे याना अलीकडेच 'मी वसंतराव' चित्रपटासाठी राष्ट्रीय पुरस्कार जाहीर झाला.

राहुल देशपांडे सोशल मीडियावर चांगलेच सक्रिय असतात. त्यांची मुलगी रेणुकासुद्धा चांगलीच लोकप्रिय आहे.

राहुल देशपांडे त्यांच्या गाण्याने चाहत्यांचं मन जिंकून घेतातच पण आज त्यांनी अनोखा उपक्रम केला आहे.

गौरी- गणपतीचा सण तोंडावर येऊन ठेपला आहे. हे सण पर्यावरण पूरक साजरे केले तर उत्साहात आणखी भर पडते.

राहुल देशपांडे यांनी ही गोष्ट समजून घेत इको फ्रेंडली बाप्पा साकारला आहे.

त्यांनी सोशल मीडियावर बाप्पा साकारतानाचे फोटो शेअर करत चाहत्यांना त्याचे महत्व पटवून दिले आहे.

राहुल देशपांडे यांनी ही इको-फ्रेंडली गणेशमूर्ती ८०% कापूस-कागदाचा लगदा आणि २०% शाडू माती अशा विशिष्ट मिश्रणापासून तयार केली आहे.

पुणे हँडमेड पेपर्स, आर्ट पुणे फाऊंडेशन आणि पुणे महानगरपालिका यांच्या रंगवा तुमचा कागदी बाप्पा या पर्यावरण पूरक गणेशोत्सव साजरा करण्यावर भर देणाऱ्या उपक्रमात राहुल देशपांडे परिवारासोबत सहभागी झाले होते.

'उपक्रमात आज विद्यार्थ्यांसोबत कागदी बाप्पा स्वतः रंगवताना एक वेगळीच उर्जा जाणवली' असं मत त्यांनी व्यक्त केलं आहे.

यंदा गणेशोत्सव उत्साहात साजरा करताना आपण सगळेच पर्यावरणाचे भान ठेवूयात असा संदेश त्यांनी चाहत्यांना दिला आहे.