'भोला' साठी 'घर बंदूक बिरयानी'चं प्रदर्शन लांबणीवर? नागराजनं जाहीर केली नवी तारीख

फॅंड्री, सैराट, नाळ यांसारख्या सुपरहिट सिनेमानंतर नागराज मंजुळे घर बंदूक बिरयाणी हा नवा सिनेमा घेऊन आले आहेत.

काही दिवसांआधीच सिनेमाची रिलीज डेट घोषित करण्यात आली. 30 मार्चला सिनेमा रिलीज होणार होता.

सिनेमाच्या नव्या रिलीज डेटची घोषणा करत सिनेमाचं नवं पोस्टर रिलीज करण्यात आलं आहे.

सिनेमात अभिनेते सयाजी शिंदे, आकाश ठोसर आणि नागराज पोपटराव मंजुळे यांच्या प्रमुख भूमिका आहेत. हा सिनेमा एकाच वेळी मराठी, हिंदी, तामिळ आणि तेलुगु भाषेत रिलीज होणार आहे.

सिनेमाची रिलीज डेट पुढे का ढकलली असा प्रश्न सर्वांना पडला असेल तर याचं कारण हिंदी सिनेमा असल्याचं म्हटलं जात आहे.

अभिनेता अजय देवगणचा भोला हा सिनेमा देखील 30 मार्चला रिलीज होणार आहे.

भोला सिनेमात अभिनेता अजय देवगण आणि अभिनेत्री तब्बू प्रमुख भूमिकेत आहे.

घर बंदूक बिरयाणी सिनेमा रिलीज डेट पुढे ढकलण्याचं कारण जरी नागराज यांनी सांगितलं नसलं तर भोला सिनेमामुळे तारीख पुढे ढकलल्याचं बोललं जात आहे.

नागराज मंजुळेंनी सिनेमाची रिलीज डेट पुढे ढकलली आहे. घर बंदूक बिरयाणी हा सिनेमा आता 7 एप्रिल रोजी रिलीज होणार आहे.