Shruti Marathe: 'राधा ही बावरी' फेम अभिनेत्री नवऱ्यासह करतेय 'या' मालिकेची निर्मिती

अनेक मालिका आणि सिनेमांतून आपल्या अभिनयाची मोहोर उमटवलेली अभिनेत्री श्रुती मराठे तिचा नवरा गौरव घाटणेकर सह एका नव्या रूपात प्रेक्षकांसमोर येणार आहे.

श्रुती मराठेचं झी मराठीशी एक घट्ट नातं असून राधा ही बावरी या झी मराठीवरील मालिकेने तिला बरीच लोकप्रियता मिळवून दिली होती.

आता झी मराठीवरील एका नव्या मालिकेची निर्मिती करताना श्रुती दिसून येणार आहे.

झी मराठीवर येत्या आठवड्यात नवा गडी नवं राज्य ही मालिका दाखल होणार असून गौरव आणि श्रुती या मालिकेची निर्मिती करताना दिसणार आहेत.

श्रुती आणि गौरव या मालिकेच्या निमित्ताने एक निर्माते म्हणून समोर येणार असून त्यांना या नव्या भूमिकेत बघायला सगळेच उत्सुक आहेत.

गौरव आणि श्रुती दोघेही वर्क फ्रंटवर सध्या बरेच ऍक्टिव्ह असून दोघेही मालिका आणि सिनेमांमध्ये काम करताना दिसत आहेत.

नवा गडी नवं राज्य या मालिकेबद्दल सांगायचं झालं तर ही नवीन मालिका प्रेक्षकांच्या भेटीला 8 ऑगस्ट पासून येणार आहे. रमा आणि आनंदीच्या संसाराची गोड गोष्ट प्रेक्षकांच्या भेटीला येत असून मालिकेचं कथानक फारच आकर्षक आहे.

ह्या मालिकेत प्रमुख भूमिकेत अनिता दाते , पल्लवी पाटील आणि कश्यप परुळेकर सोबतच साईशा भोईर असणार आहेत. सौजन्य (झी मराठी इन्स्टाग्राम)

या मालिकेचा भव्य प्रीमियर सोहळा नुकताच पार पडला असून संपूर्ण टीमने या दरम्यान हजेरी लावल्याचं दिसून आलं आहे.