मराठी नाही तर बंगाली आहे हास्यजत्रेतील ईशा डे? समीर चौघुलेंनी सांगितलं तिच्या आडनावामागचं सत्य

हास्यजत्रेत आपल्या विनोदाने प्रेक्षकांना खळखळून हसवणारी अभिनेत्री म्हणजे ईशा डे. ईशाच्या निखळ हास्यामुळे तिचे अनेक चाहते आहेत.

ईशा एका वर्षापूर्वीच हास्यजत्रेत दाखल झाली असली तरी आपल्या विनोदी शैलीने तिने प्रेक्षकांची मनं जिंकून घेतली आहेत.

आज ईशाचा वाढदिवस आहे त्यानिमित्ताने हास्यजत्रेतील लोकप्रिय अभिनेते समीर चौघुलेंनी तिच्यासाठी एक खास पोस्ट केली आहे.

समीर चौघुलेंनी या पोस्टमध्ये लिहिलंय कि, 'Happy birthday ..... इशा... गेल्यावर्षीच आमच्या हास्यजत्रेच्या चमूत दाखल झालेला तगडा गडी... फारच कमी वेळात हिने हास्यजत्रेच्या वातावरणाशी जुळवून घेतलं... सहज सुंदर विनोदाची शैली आणि अत्यंत अप्रतिम आवाजाची दैवी देणगी लाभलेली आमची इशा ही लंडन ड्रामा graduate आहे..'

'अगदी ब्रिटिशांचं इंग्रजी बोलू शकणारी आमच्या हास्यजत्रेतली ही एकमेव कलाकार...' अस समीर चौघुलेंनी म्हटलं आहे.

ईशाच्या 'डे' या आडनावावरून अनेकांना ती बंगाली आहे असं वाटतं. आता समीर चौघुले यांनी तिच्या आडनावामागचं गुपित उघड केलं आहे.

त्यांनी म्हटलंय कि, 'हिच्या "डे" आडनावावरून ही लोकांना बंगाली वाटते पण ही महाराष्ट्रीयनच आहे ...पण मग ती "डे" आडनाव का लावते हा प्रश्न कृपया तिलाच विचारावा.....स्वभावाने लोभस आणि तितकाच खट्याळपणा (किडे) जोपासणारी....आमच्या दोघांची जोडी skit मध्ये बेफाम फुलते...' असं म्हणत समीर चौघुलेंनी ईशाला वाढदिवसाच्या शुभेच्छा दिल्या आहेत.