अभिनेत्याने रिक्षाचालक वडिलांच्या कष्टाचं फेडलं पांग; अवघ्या 24 व्या वर्षी खरेदी केली मर्सिडीज

छोट्या पडद्यावरील प्रसिद्ध अभिनेता आणि डान्सर फैसल खानने 'भारत का वीर पुत्र - महाराणा प्रताप' या ऐतिहासिक मालिकेद्वारे अभिनय क्षेत्रात पदार्पण केले.

फैजलने लहान वयातच आपल्या अभिनय आणि नृत्याने चाहत्यांच्या मनात एक खास स्थान निर्माण केले होते.

फैजलने आपल्या करिअरच्या प्रवासात खूप संघर्ष केला आहे. त्याचे वडील रिक्षाचालक होते. पण फैजलने आपल्या टॅलेंटने आपल्या वडिलांना नेहमीच अभिमान वाटायला लावला आहे.

आता फैजलने आई वडिलांच्या कष्टाचं फळ त्यांना दिलं असून एक स्वप्न पूर्ण केलं आहे.

फैजलने नुकतीच महागडी मर्सिडीज कार खरेदी केली आहे. रिक्षाचालक वडिलांच्या लेकाने मिळवलेलं हे यश पाहून त्याचे चाहते खूपच खुश झाले आहेत.

फैजलनेसांगितले की, जवळपास दहा वर्ष इंडस्ट्रीत काम केल्यानंतर तो स्वतःची गाडी खरेदी करू शकला.

फैजलवर सध्या चाहते शुभेच्छांचा वर्षाव करत आहेत.

फैजलने झलक दिखलाजा 8, डान्स इंडिया डान्स लिटिल मास्टर्स 2, डान्स के सुपरकिड्स आणि डीआयडी डान्स का टशन सारखे अनेक रिअॅलिटी शो केले आहेत आणि तो विजेता देखील बनला आहे. तो शेवटचा धर्म योद्धा गरुडमध्ये दिसला होता.