HBD: 'टाईमपास'ची चंदा ते स्विटू; पाहा ठाण्याची अन्विता फलटणकर कशी झाली लोकप्रिय अभिनेत्री

अभिनेत्री अन्विता फलटणकरचा आज वाढदिवस. टाईमपास चित्रपटातील लहाणशी भूमिका ते मालिकेतील मुख्य अभिनेत्री, जाणून घ्या कसा होता अन्विताचा अभिनय प्रवास.

अन्विताचा जन्म २ जुलैला ठाण्यात झाला होता. तिचं बालपण देखील ठाण्यातच गेलं.

सरस्वती हायस्कूलमधून अन्विताने तिचं शालेय शिक्षण पूर्ण केलं होतं. तर मुंबईतील डी.जी. रुपारेल महाविद्यालायातून तिने पदवी शिक्षण पूर्ण केलं.

अन्विताला कॉलेज जीवनापासूनच अभिनयाची प्रचंड आवड होती. अनेक नाटकांत तिने कामं केली होती.

अन्विताला २०१४ साली आलेल्या सुपरहीट टाईमपास चित्रपटात लहाणशी भूमिका साकारण्याची संधी मिळाली होती. पण अन्विताने या संधीचं सोन करत लहाणशी भूमिकाही प्रेक्षकांच्या लक्षात राहण्याजोगी केली. चंदा हे पात्र तिने साकारलं होतं.

अन्विताला २०१४ साली आलेल्या सुपरहीट टाईमपास चित्रपटात लहाणशी भूमिका साकारण्याची संधी मिळाली होती. पण अन्विताने या संधीचं सोन करत लहाणशी भूमिकाही प्रेक्षकांच्या लक्षात राहण्याजोगी केली. चंदा हे पात्र तिने साकारलं होतं.

नंतर ती गर्ल्स या चित्रपटातही दिसली. त्यातीलही तिची भूमिका हिट ठरली होती. तसेच छबीदार छबी हे गाणंही सुपरहीट ठरंल होत. अन्विताने त्यात तुफान डान्स केला होता.

अन्विता सध्या येऊ कशी तशी मी नांदायला या झी मराठीवरील मालिकेत स्विटू हे पात्र साकारत आहे. अन्विताच्या या मालिकेने अल्पावधीतच तुफान लोकप्रियता मिळवली होती.

मालिकेतील ओम आणि स्विटू ही जोडी सुपरहीट ठरत आहे.

अन्विताला वाढदिवसानिमित्त अनंत शुभेच्छा.