Ganpati 2022: मुख्यमंत्री एकनाथ शिंदे पोहोचले अभिनेते नाना पाटेकरांच्या घरी; घेतलं बाप्पाचं दर्शन

महाराष्ट्राचे मुख्यमंत्री एकनाथ शिंदे गणेशोत्सवानिमित्त राज्यातील महत्त्वाच्या गणपती बाप्पांच्या मंडळांना तसेच राजकीय नेत्यांच्या घरी भेट देत आहेत.

मुख्यमंत्री एकनाथ शिंदे आज ज्येष्ठ अभिनेते नाना पाटेकर यांच्या बाप्पाचं दर्शन घेण्यासाठी त्यांच्या घरी पोहोचले.

मुख्यमंत्री एकनाथ शिंदे यांनी अभिनेता नाना पाटेकर यांच्या पुणे जिल्ह्यातील सिंहगडाच्या पायथ्याशी असलेल्या डोणजे गावातील घराला भेट दिली.

मुख्यमंत्र्यांनी नाना पाटेकर यांच्याघरी स्थापना करण्यात आलेल्या श्री गणरायाचे दर्शन घेतले.

यावेळी राज्याचे आरोग्यमंत्री तानाजी सावंत आणि खासदार श्रीरंग बारणे आणि पाटेकर कुटूंबातील सर्व प्रमुख सदस्य उपस्थित होते.

नानांच्या घरी मुख्यमंत्र्यांनी त्यांचा शाल श्रीफळ आणि पुष्पगुच्छ देऊन सत्कार केला.

नानांच्या घराची आणि घराबाहेर सुंदर निसर्गाची मुख्यमंत्र्यांनी छोटीशी सफर केली.

नाना आणि मुख्यमंत्री एकनाथ शिंदे यांच्यात असलेल्या जिव्हाळ्याचं नातं यावेळी पाहायला मिळालं.