फक्त 25 हजारात बुक करा देशातील पहिली CNG एसयूव्ही, मिळेल दमदार मायलेज अन् भरपूर फीचर्स

जपानी ऑटोमेकर टोयोटानं बुधवारी आपली पहिली सीएनजी कार, ग्लान्झा सीएनजी लाँच केली आणि सोबतच कंपनीनं हीदेखील घोषणा केली की, अर्बन क्रूझर हायराइडरला देखील सीएनजीसह लॉन्च केलं जाईल. फॅक्टरी फिट सीएनजी किटसह लॉन्च होणारी ही भारतातील पहिली मध्यम आकाराची SUV आहे. कंपनीनं या वाहनाचं बुकिंगही सुरू केलं असून 25,000 रुपयांच्या टोकन रकमेनं ती बुक करता येणार आहे.

सीएनजी किटसाठी, मारुती-सोर्स केलेल्या 1.5-लिटर K15C, चार-सिलेंडर इंजिन या वाहनात वापरलं जाईल आणि तेच इंजिन मारुती अर्टिगा आणि XL6 CNG मध्ये देखील उपलब्ध आहे. कंपनीनं Hyryder CNG च्या पॉवर फिगरचा खुलासा केला नाही, पण माहितीनुसार हे इंजिन XL6 मध्ये CNG मोडमध्ये 88hp आणि 121.5Nm जनरेट करते.

कंपनीच्या म्हणण्यानुसार, सीएनजी प्रकार फक्त 5-स्पीड मॅन्युअल गिअरबॉक्ससह येईल. टोयोटाच्या मते, ही एसयूव्ही सीएनजी किटसह 26.10 किमी / किलोपर्यंत मायलेज देईल.

कंपनीने हे देखील उघड केले आहे की Hyryder CNG SUV च्या मिड-स्पेक S आणि G ट्रिममध्ये ऑफर केली जाईल. तिची G ट्रिम फुल-एलईडी हेडलॅम्प, 17-इंच अलॉय व्हील्स, 9-इंच टचस्क्रीन इन्फोटेनमेंट, अॅम्बियंट लाइटिंग आणि साइड आणि पडदा एअरबॅग्ज यांसारख्या वैशिष्ट्यांसह सुसज्ज आहे. Hyryder CNG नंतर, मारुती आपल्या Grand Vitara चे CNG व्हर्जन देखील लॉन्च करू शकते.

मारुतीची ग्रँड विटारा एसयूव्ही टोयोटाच्या अर्बन क्रूझर हायरायडरवर आधारित आहे आणि त्यांच्या पेट्रोल व्हेरियंटमध्ये हायब्रिडचे वैशिष्ट्यही कंपनीने दिले आहे. ही देशातील सर्वाधिक मायलेज देणारी SUV आहे आणि स्ट्राँग हायब्रिड तंत्रज्ञानासह 28Kmpl पर्यंत मायलेज देते.