)
रत्नागिरी, 28 जानेवारी : राज्यात दिवसेंदिवस अपघाताच्याही घटनांमध्ये वाढ होत आहे. गेल्या काही दिवसतात एसटी अपघाताच्याही घटना समोर आल्या आहेत. त्यातच आता रत्नागिरी जिल्ह्यातून एक धक्कादायक बातमी समोर आली आहे. एसटी बस चालवताना चालकाला फीट आली. यानंतर मात्र, चालकाने प्रसंगावधा राखत एसटी बसमधील 40 हुन अधिक प्रवासी बचावले आहे. खेड आगारातून शिरगाव येथे जाणाऱ्या एसटी बस चालकाला मुंबई गोवा महामार्गावर खोपी फाटा या ठिकाणी अचानक फीट आली. खोपी फाटा स्टॉपवर गाडी सुरू असताना फीट आल्याने प्रवासी घाबरले होते. मात्र, प्रसंगावधनाने बस रस्त्याच्या बाजूला थांबवल्याने अनर्थ टळला. दरम्यान, बस चालकाला तत्काळ रुग्ण वाहिकेने कळंबनी उपजिल्हा रुग्णालयात हलवले. रत्नागिरी जिल्ह्यातल्या खेड आगारातून शिरगाव या गावी जाणाऱ्या एसटी बस चालकाला मुंबई गोवा महामार्गावर कॉफी फाटा या ठिकाणी अचानक फिट आल्यामुळे एकच खळबळ उडाली. पण चालकाने प्रसंगावधानाने रस्त्याच्या बाजूला गाडी नेली. त्यामुळे मोठा अनर्थ टळला. मात्र, चालत्या एसटी बसमध्ये चालकाला फिट आल्यामुळे प्रवाशांची मात्र एकच घाबरगुंडी उडाली. हेही वाचा - कोल्हापूर हादरलं! मुलाच्या हव्यासापोटी पत्नीचा खून, शॉक लागल्याचा केला बनाव या एसटी बसमध्ये तब्बल 40 प्रवासी आणि विद्यार्थीदेखील होते. खेड आगारातून नियमितरीत्या ही बस शिरगाव या ग्रामीण भागात जात होती. खोपी फाटा या ठिकाणी हा प्रकार पावणे चार वाजण्याच्या सुमारास घडला. चालकाला फिट आल्यामुळे आजूबाजूच्या नागरिकांनी तत्काळ रुग्णवाहिका बोलवली. यानंतर एसटी बस चालकाला खेडमधील कळंबनी उपजिल्हा रुग्णालयात उपचारासाठी नेण्यात आले आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
