)
हैदराबाद, 13 मे: देशात एकीकडे कोरोनाची आकडेवारी वाढत असताना भारत बायोटेकमधून (Bharat Biotech) आलेल्या बातमीने चिंता वाढवली आहे. देशात कोरोना लसीकरणाची (Corona Vaccine) मोहीम जोर घेत असताना भारत बायोटेकमधून अशी माहिती समोर आली आहे की, या फर्ममधील 50 कर्मचारी कोरोना पॉझिटिव्ह आढळून आले आहेत. भारत बायोटेकच्या सहव्यवस्थापकीय संचालक सुचित्रा इला (Suchitra Ella) यांनी ट्वीट केले आहे की त्यांचे 50 कर्मचारी कोरोना पॉझिटिव्ह आढळले आहे. सुचित्रा इला यांच्या या ट्वीटनंतर सोशल मीडियावर मोठी खळबळ माजली आहे. जी कंपनी कोरोना व्हायरसचे संक्रमण रोखण्यासाठी व्हॅक्सिन बनवते त्याच कंपनीत एवढे कर्मचारी कोरोना पॉझिटिव्ह कसे असा सवाल उपस्थित केला जात आहे. भारत बायोटेकमध्ये झालेल्या कोरोनाच्या हल्ल्यानंतर सोशल मीडियावर असा सवाल विचारला जातो आहे की, कंपनीने त्यांच्या कर्मचाऱ्यांना कोरोना लस का दिली नाही. हे वाचा- 2 ते 18 वयोगटासाठी उपलब्ध होणार लस? भारत बायोटेकला मिळाली महत्त्वाची मंजुरी कोवॅक्सिनच्या पुरवठ्यात अडसर आल्यानंतर काही नेत्यांनी केलेल्या टीकेला उत्तर देताना इला यांनी बुधवारी ट्वीट केलं होतं. यामध्ये त्यांनी असं म्हटलं आहे की, ‘टीमसाठी हे ऐकणं फार वाईट आहे की काही राज्य आमच्या मनसुब्यांवर प्रश्नचिन्ह उपस्थित करत आहेत. आमचे 50 कर्मचारी कोव्हिड संक्रमणामुळे काम करत नाही आहेत. तरी देखील आम्ही पँडेमिकमध्ये लॉकडाऊनमध्ये 24x7 तुमच्यासाठी काम करत आहोत.’
Covaxin dispatched 10/5/21.18 states have been covered thou in smaller shipments. Quite disheartening to the teams to hear Some states complaining about our intentions. 50 of our employees are off work due to covid, yet we continue to work under pandemic lockdowns 24x7 for U 🇮🇳 pic.twitter.com/FmQl4vtqXC
— Suchitra Ella (@SuchitraElla) May 11, 2021
इला यांनी ट्वीट केल्यानंतर त्यावर लोकांकडून अशा प्रतिक्रिया येत आहेत की या कर्मचाऱ्यांना कोरोना व्हॅक्सिन दिलं नव्हतं का? ते कोरोना पॉझिटिव्ह कसे आढळून आले? शिवाय अस्थायी स्वरुपात काही नवीन कर्मचाऱ्यांना भरती करून का घेतलं नाही? दरम्यान इला यांच्या ट्वीटवर काहींनी त्यांचे आभारही मानले आहे. म्हणजे या ट्वीटरनंतर ट्विटरवर संमिश्र प्रतिक्रिया पाहायला मिळत आहेत.
+6
फोटो
