मराठी बातम्या /बातम्या /बातम्या /

वर्ल्ड क्लास 199 स्टेशन्स आणि बरंच काही, वाचा, कधी येणार बुलेट ट्रेन?

वर्ल्ड क्लास 199 स्टेशन्स आणि बरंच काही, वाचा, कधी येणार बुलेट ट्रेन?

जागतिक दर्जाचे रेल्वे स्थानक बांधण्यात येणार आहे.

जागतिक दर्जाचे रेल्वे स्थानक बांधण्यात येणार आहे.

जागतिक दर्जाचे रेल्वे स्थानक बांधण्यात येणार आहे.

  • News18 Lokmat
  • Last Updated :
  • Ahmadabad (Ahmedabad) [Ahmedabad], India
  • Published by:  News18 Desk

नवी दिल्ली, 7 ऑक्टोबर : रेल्वेमंत्री अश्विनी वैष्णव हे आज शुक्रवारी अहमदाबाद दौऱ्यावर आहेत. यावेळी त्यांनी बुलेट ट्रेनबाबत मोठी घोषणा केली आहे. देशातील पहिली बुलेट ट्रेन 2026 मध्ये धावणार असल्याचे त्यांनी सांगितले आहे. सध्या त्यासाठी ट्रॅक 92 पिलर तयार करण्यात आले आहेत.

जागतिक दर्जाचे रेल्वे स्थानक बांधण्यात येणार आहे. याशिवाय 199 स्थानके जागतिक दर्जाची करण्यासाठी मास्टर प्लॅन सुरू असल्याचे त्यांनी सांगितले. याअंतर्गत अहमदाबाद रेल्वे स्थानक जागतिक दर्जाचे बनवण्यात येणार आहे.

वंदे भारत एक्स्प्रेस दुर्घटनेबाबत रेल्वेमंत्री अश्विनी वैष्णव म्हणाले की, देशातील सर्व रेल्वे ट्रॅक अजूनही जमिनीवर आहेत. त्यामुळे गुरांचा प्रश्न कायम आहे. तथापि, अशा समस्यांना तोंड देण्यासाठी गाड्या तयार केल्या जात आहेत. कालच्या घटनेनंतरही वंदे भारत ट्रेनला काहीच झाले नाही. पुढचा भाग दुरुस्त केल्यानंतर पुन्हा गाडी सुरू झाली आहे, असेही ते म्हणाले.

वंदे भारत एक्सप्रेस पुन्हा रुळावर -

मुंबईहून गांधीनगरला जाणारी देशातील पहिली हाय-स्पीड ट्रेन असलेल्या वंदे भारत एक्स्प्रेसला गुरुवारी अहमदाबादपूर्वी बटवा आणि मणिनगर दरम्यान म्हैसने धडक दिली. या अपघातात कोणतीही जीवितहानी झाली नसली तरी ट्रेनचा पुढील भाग तुटला आहे. आता ही गाडी पूर्णपणे दुरुस्त करून परत आणण्यात आली आहे. सकाळी अकराच्या सुमारास हा अपघात झाला. वंदे भारत एक्सप्रेस सध्या फक्त तीन मार्गांवर धावत आहे.

हेही वाचा - Amit Shah : भाषण सुरू झालं अन् अजानचा आवाज ऐकू आला, पाहा अमित शहांनी काय केलं?

गुजरातमध्ये बनवणार 5G लॅब -

अश्विनी वैष्णव यांनी अहमदाबादमध्ये सांगितले की, गुजरातमध्ये 5G लॅब तयार केली जाईल. वैष्णव हे आयटी आणि दूरसंचार मंत्रीही आहेत. नुकतेच त्यांनी इंडियन मोबाईल काँग्रेसमध्ये सांगितले की, देशात 5G तंत्रज्ञानाने सुसज्ज असलेल्या 100 लॅबची स्थापना करण्याची सरकारची योजना आहे. यामध्ये विद्यार्थ्यांना प्रशिक्षण देण्यासाठी किमान 12 लॅबचा वापर केला जाणार असून इतर प्रयोगशाळांचा वापर नवीन प्रयोगांसाठी केला जाणार आहे.

First published:

Tags: Bullet train, Indian railway