Home /News /news /

'वर्क फ्रॉम होम करू द्या', पंकजा मुंडेंची मागणी

'वर्क फ्रॉम होम करू द्या', पंकजा मुंडेंची मागणी

कोरोनाव्हायरस (Coronavirus) जास्त पसरू नये, यासाठी शक्य असल्यास वर्क फ्रॉम होम (Work form home) करण्याची मुभा द्यावी, असं पंकजा मुंडे (Pankaja munde) यांनी म्हटलं आहे.

    मुंबई, 11 मार्च :  महाराष्ट्रातही (Maharashtra) कोरोनाव्हायरस (Coronavirus) धडकल्यानंतर सर्वांनीच त्याची धास्ती घेतली आहे. पुण्यात (Pune) कोरोनाव्हायरसचे 5 रुग्ण आढळलेत, त्यामुळे काळजी वाढली आहे. महाराष्ट्रात कोरोनाव्हायरसचा अधिक प्रसार होऊ नये, यासाठी वर्क फ्रॉम होम (Work form home) म्हणजे घरूनच काम करण्याची मुभा द्यावी, अशी मागणी भाजप नेत्या पंकजा मुंडे (Pankaja munde) यांनी केली आहे. राज्यातील कोरोनाव्हायरसची परिस्थिती पाहता पंकजा मुंडे यांनी ट्विट केलं आहे. या ट्विटमध्ये पंकजा मुंडे म्हणाल्या, "कोरोनाव्हायरसपासून बचावासाठी फक्त मास्क वापरणं आणि तापमानावर अवलंबून राहणं पुरेसं नाही. शक्य असल्यास लोकांना घरातूनच ऑफिसचं काम करण्याची मुभा द्यायला हवी, तसंच परीक्षा वगळता शाळा आणि कॉलेजही बंद ठेवावेत, जेणेकरून कोरोनाव्हायरस जास्त पसरणार नाही. कमी लोकं घराबाहेर पडतील आणि परिस्थितीही योग्यरित्या हाताळता येईल" संबंधित - सावधान! पुण्यात 'कोरोना'चे रुग्ण, तुम्हीही होऊ शकता शिकार; असा करा स्वत:चा बचाव दरम्यान पुण्यात कोरोनाव्हायरसचे 5 रुग्ण आढळल्यानंतर प्रशासन सतर्क झालं आहे.  पुण्यात आपत्ती व्यवस्थापन कायदा  लागू करण्यात आला आहे, तर तीन शाळांना रविवारपर्यंत सुट्टी जाहीर करण्यात आली आहे. शिवाय नागरिकांसाठी 104 टोल फ्री क्रमांक कार्यान्वित करण्यात येणार आहे. पुणेकरांना  कोरोना संदर्भात अधिक माहिती हवी असल्यास त्यांनी राज्यस्तरीय नियंत्रण कक्ष आणि राष्ट्रीय कॉल सेंटर क्रमांक 91-11-23978046 यावर संपर्क साधावा, असं आवाहन प्रशासनाने केलं आहे. संबंधित - आरोग्यमंत्र्यांना झाला कोरोना; पंतप्रधानांनाही व्हायरसची लागण होण्याची शक्यता
    Published by:Priya Lad
    First published:

    Tags: Coronavirus, Pankaj munde

    पुढील बातम्या