कोरोनाचा धोका वाढला, महाराष्ट्र आणि पंजाबनंतर आता या राज्यानेही वाढवला लॉकडाऊन

कोरोनाचा धोका वाढला, महाराष्ट्र आणि पंजाबनंतर आता या राज्यानेही वाढवला लॉकडाऊन

महाराष्ट्र (Maharashtra) सरकारनेही लॉकडाऊन कालावधी 31 मे पर्यंत वाढवला आहे. राज्य सरकारने 17 मे रोजी यासंदर्भात आदेश जारी केले आहेत.

  • Share this:

मुंबई, 17 मे : कोरोनाव्हायरसचा (Coronavirus) प्रसार रोखण्यासाठी देशात राबवण्यात आलेल्या लॉकडाऊनच्या (Lockdown) तिसर्‍या टप्प्यातील आज शेवटचा दिवस आहे. लॉकडाऊन असूनही, देशात कोरोना विषाणूची प्रकरणं झपाट्यानं वाढत आहेत. अशा परिस्थितीत काही राज्यांनी लॉकडाऊनचा पाठपुरावा करण्याचा निर्णय घेतला आहे. हे लक्षात घेता तामिळनाडू सरकारनंही (Tamil Nadu Government) 31 मेपर्यंत लॉकडाऊन वाढवण्याची घोषणा केली आहे. या काळात राज्यात निर्बंध लागू करण्यात येणार आहेत.

काही दिवसांपूर्वीच पंतप्रधान नरेंद्र मोदींनी देशाला संबोधित करत लॉकडाऊन वाढवण्याची घोषणा केली होती. ते म्हणाले की, हा टप्पा आतापर्यंतच्या तीन लॉकडाऊनपेक्षा पूर्णपणे वेगळा आणि अधिक सवलतींचा असेल. त्याअंतर्गत, आज गृह मंत्रालयाकडून मार्गदर्शक तत्त्वं जारी होण्याची अपेक्षा आहे.

महाराष्ट्र (Maharashtra) सरकारनेही लॉकडाऊन कालावधी 31 मे पर्यंत वाढवला आहे. राज्य सरकारने 17 मे रोजी यासंदर्भात आदेश जारी केले आहेत. केंद्र शासनाने आपत्ती अधिनियम 2005 अंतर्गत लॉकडाऊन कालावधी 17 मेपर्यंत वाढवला होता. हा कालावधी आज संपला असून आता पुढे लॉकडाऊनचा चौथा टप्पा लागू करण्यात आला आहे.

महत्त्वाचं म्हणजे दोन्ही राज्यात कोरोना संक्रमणाची 40,000 हून अधिक प्रकरणं आहेत, त्यापैकी महाराष्ट्रात सर्वाधिक 30,706 प्रकरणं आहेत. तामिळनाडूमध्ये संसर्गाची 10,585 प्रकरणं आहेत. कोरोनामध्ये तामिळनाडूमध्ये 74 रुग्णांचा मृत्यू झाला आहे. एका आदेशात, महाराष्ट्र सरकारनं म्हटलं आहे की रेड, ऑरेंज आणि ग्रीन झोनचे नियम पूर्वीप्रमाणेच कायम राहतील. राज्य सरकारने अ‍ॅपेडेमिक डिसीज अ‍ॅक्ट 1897, आपत्ती व्यवस्थापन कायदा 2005 अंतर्गत हे लॉकडाऊन वाढवलं ​​आहे.

डोंबिवलीतील मद्यप्रेमींसाठी अखेर चांगली बातमी, दारू खरेदी करता येणार पण...

दरम्यान, पंजाबचे मुख्यमंत्री कॅप्टन अमरिंदर सिंह यांनी 18 मेपासून राज्यात कर्फ्यू हटवण्याची घोषणा केली आहे. पण 31 मेपर्यंत लॉकडाऊन सुरू राहणार असल्याचं त्यांनी म्हटलं आहे. यासह मुख्यमंत्र्यांनी कंत्राट नसलेले झोन सुलभ करणं आणि मर्यादित सार्वजनिक वाहतूक व्यवस्था पूर्ववत करण्याचे संकेत दिले आहेत. शैक्षणिक संस्था सध्या बंद राहतील, असंही त्यांनी स्पष्ट केले.

डोंबिवलीकरांसाठी दिलासादायक बातमी, स्टेशनवर सुरू झाले महत्त्वाचे काम

गृह मंत्रालय लॉकडाऊन-4 साठी मार्गदर्शक तत्त्वे करेल जारी

काही दिवसांपूर्वी देशाला संबोधित करताना पंतप्रधान नरेंद्र मोदी म्हणाले की, लॉकडाऊनच्या चौथ्या टप्प्यासाठी काही मार्गदर्शक तत्त्वं जारी केली जातील. देशातील पहिल्या लॉकडाऊनचा पहिला टप्पा 25 मार्च ते 14 एप्रिल, दुसरा एप्रिल 15 ते 3 मे आणि तिसरा 4 मे ते 17 मे जाहीर करण्यात आला. दरम्यान, गृहराज्य मंत्रालय आज चौथ्या टप्प्यासाठी नवीन मार्गदर्शक सूचना जाहीर करेल. असं सांगितलं जात आहे की, काही भागात विमान सेवा आणि बस सेवा सुरू होऊ शकतात.

संपादन - रेणुका धायबर

First Published: May 17, 2020 05:40 PM IST

ताज्या बातम्या

corona virus btn
corona virus btn
Loading