खुल्लम खुला प्यार करेंगे, औरंगाबादेत चालत्या दुचाकीवर प्रेमीयुगुलाचा KISSING सीन, VIDEO व्हायरल

औरंगाबाद, 03 जानेवारी: काल रात्री औरंगाबाद (Aurangabad) येथील जालना रस्त्यावर एक विचित्र प्रकार समोर आला आहे. ज्यामध्ये एक तरुण आणि तरुणी चालत्या दुचाकीवर चुंबन (couple kissing on running bike) करताना दिसले आहेत. रस्त्यावरून प्रवास करणाऱ्या एका व्यक्तीने संबंधित घटनेचा संपूर्ण व्हिडीओ आपल्या मोबाइलमध्ये रेकॉर्ड केला आहे. या घटनेचा व्हिडिओ सध्या सोशल मीडियावर वेगाने व्हायरल (Viral video) होतं असून अनेक नेटकरी प्रतिक्रिया देताना दिसत आहे. सोशल मीडियावर केलेल्या दाव्यानुसार, संबंधित घटना औरंगाबाद शहरातील आहे. ज्यामध्ये एक तरुण एका तरुणीला दुचाकीच्या पेट्रोल टाकीवर बसवून गाडी चालवत आहे. तसेच चालत्या दुचाकीवर दोघंही एकमेकांना किस करत आहेत. विशेष म्हणजे हा सर्व धक्कादायक प्रकार औरंगाबादमधील सर्वात धोकादायक मानल्या जाणाऱ्या जालना रोडवर सुरु होता. संबंधित तरुण तरुणी जवळून जाण्याऱ्या कोणाचाही जराही विचार न करता, 'खुल्लम खुल्ला प्यार करेंगे' अशाप्रकारे दोघं एकमेकांना चुंबन घेत होते. हेही वाचा-ऑस्ट्रेलियन Accent मुळे तरुणावर फिदा झाली युवती; बॉयफ्रेंडची केली फसवणूक प्रेमात आंधळे झालेले हे तरुण-तरुणी अशाप्रकारे भररस्त्यावर चालत्या दुचाकीवर अशाप्रकारचं कृत्य करून स्वत: सोबत अन्य नागरिकांचा देखील जीव धोक्यात घालत होते. जवळून बरीच वाहनं जात असताना देखील कोणतीही लज्जा न बाळगता, या तरुण-तरुणीचं किसिंग सीन सुरू होतं.

खुल्लम खुला प्यार करेंगे, औरंगाबादेत चालत्या दुचाकीवर प्रेमीयुगुलाचा KISSING सीन, VIDEO व्हायरल pic.twitter.com/emBkiFCQQc

— The मराठी Medium (@MarathiMedium) January 3, 2022

त्याचवेळी रस्त्यावरून प्रवास करणाऱ्या एका तरुणाने संबंधित घटनेचा संपूर्ण व्हिडीओ आपल्या मोबाइलमध्ये शूट केला आहे. हा व्हिडीओ समोर येताच, सोशल मीडियावर वेगाने व्हायरल झाला आहे. यावर आता अनेकजण संताप व्यक्त करत असून काहींनी मजेशीर प्रतिक्रिया द्यायला सुरुवात केली आहे. या घटनेच्या सत्यतेबाबत न्युज18 लोकमत पुष्टी करत नाही.