मराठी बातम्या /बातम्या /देश /

Punjab Ground Report : पंजाबमध्ये विधानसभा निवडणुकीच्या तोंडावर डेरांचे महत्त्व का वाढले? कोणाला होईल फायदा?

Punjab Ground Report : पंजाबमध्ये विधानसभा निवडणुकीच्या तोंडावर डेरांचे महत्त्व का वाढले? कोणाला होईल फायदा?

Importance of Dera in Punjab Assembly Election : पंजाब विधानसभा निवडणुकीसाठी (Punjab Assembly Elections) 20 फेब्रुवारी रोजी मतदान होणार आहे. त्याआधी पंजाबमधील डेरा प्रमुखांसोबत भाजपसह सर्व पक्षांच्या नेत्यांच्या बैठका जोरात आल्या आहेत.

Importance of Dera in Punjab Assembly Election : पंजाब विधानसभा निवडणुकीसाठी (Punjab Assembly Elections) 20 फेब्रुवारी रोजी मतदान होणार आहे. त्याआधी पंजाबमधील डेरा प्रमुखांसोबत भाजपसह सर्व पक्षांच्या नेत्यांच्या बैठका जोरात आल्या आहेत.

Importance of Dera in Punjab Assembly Election : पंजाब विधानसभा निवडणुकीसाठी (Punjab Assembly Elections) 20 फेब्रुवारी रोजी मतदान होणार आहे. त्याआधी पंजाबमधील डेरा प्रमुखांसोबत भाजपसह सर्व पक्षांच्या नेत्यांच्या बैठका जोरात आल्या आहेत.

पुढे वाचा ...
  • Published by:  Rahul Punde

चंदीगड, 17 फेब्रुवारी : पंजाबमध्ये 20 फेब्रुवारीला विधानसभा निवडणुकीसाठी मतदान होत आहे. या पार्श्वभूमीवर राजकीय पक्ष मतदारांना आकर्षित करण्यासाठी आता बाबा, महाराजांच्या मठात जाताना पाहायला मिळत आहेत. पंजाबमधील मालेरकोटला जिल्ह्यातील अहमदनगर हे बाबा राम रहीमचा (Baba Ram Rahim) डेरा सच्चा सौदाचा (Dera Sachcha Sauda) मुख्य तळ येथे आहे. गेल्या कित्येक महिन्यापासून डेऱ्यातील दूरवर पसरलेली शेतं सुनसान होती. या शेतात त्यांची काळजी घेण्यासाठी सेवक आल्यावर किंवा आजूबाजूच्या खेड्यातील लोक जेव्हा भाजी घेण्यासाठी येतात, ज्यांचा उदरनिर्वाह त्यांच्यावर अवलंबून असतो, त्याचवेळी येथे चैतन्य दिसते. बाकी बहुतेक वेळ मंडपात शांतता होती. कारण बाबा राम रहीम (Baba Ram Rahim) इथे नव्हता. त्याच्याच डेऱ्यातील साध्वींचा लैंगिक अत्याचार आणि हत्येच्या आणखी एका प्रकरणात दोषी ठरल्यानंतर तो तुरुंगात होता. मात्र, काही दिवसांपासून येथे जोरदार हालचाल सुरू झाली आहे. बाबा राम रहीम 7 ते 27 फेब्रुवारी दरम्यान 21 दिवसांच्या विशेष पॅरोलवर तुरुंगातून बाहेर आला आहे.

या तारखा लक्षात घेण्यासारख्या आहेत. कारण 20 फेब्रुवारीची तारीखही यादरम्यान येत आहे. त्याच दिवशी पंजाब विधानसभा निवडणुकीसाठी (Punjab Assembly Elections) मतदान होणार आहे. लक्षात घेण्यासारख्या आणखी गोष्टी आहेत. उदाहरणार्थ- डेरा सच्चा सौदाचे पंजाबमध्ये सुमारे 40 लाख समर्थक आहेत. यातील बहुतांश समर्थक इतर मागासवर्गीय (OBC), अनुसूचित जाती (SC) आणि अनुसूचित जमाती (ST) चे आहेत. पंजाबमधील सुमारे 40 विधानसभा जागांवर या डेराचा प्रभाव असल्याचा दावाही केला जात आहे. डेराची स्वतःची राजकीय समितीही आहे. 2017 च्या पंजाब विधानसभा निवडणुकीत (Punjab Assembly Elections-2017) त्यांनी काँग्रेस आणि अकाली दल या दोन्ही पक्षांना हुशारीने पाठिंबा दिला होता.

भाजपही यावेळी 'प्रेमीं'सोबत खूश

थोड्या दिवसांसाठी का होईना बाबा राम रहीम बाहेर आल्याने 'प्रेमी' (ज्यांना डेराचे सेवक म्हणतात) आनंदी आहेत. बलदेव सिंग न्यूज18 हिंदीशी संवाद साधताना म्हणाले, की 'आम्ही किती आनंदी आहोत हे सांगता येत नाही. बाबा इतक्या दिवसांनी परतले. सध्या आमच्यासाठी ही खूप मोठी गोष्ट आहे. निवडणुकांबद्दल बोलायचं झालं तर डेराची राजकीय समिती (Political Committee) निर्णय घेईल. समिती ज्याला सांगेल त्याला मतदान कले जाईल. पण दुसरीकडे भारतीय जनता पक्षही या सेवेदारांवर खूश आहे. याचे कारण असे की, हरियाणाच्या भाजप सरकारने (BJP Govy, Haryana) यावेळी बाबा राम रहीमच्या सुटकेसाठी प्रयत्न केले आहेत. त्यामुळेच मतदानाच्या वेळी डेराचे समर्थक आपल्याबद्दल सहानुभूती दाखवतील, अशी त्यांना आशा आहे.

इतर डेरांकडूनही अशाच अपेक्षा

तसेच जालंधरचा डेरा सचखंड बल्लान (Dera Sachkhand Ballan). संत रविदासांचे समर्थक असलेल्या 'रविदासिया समुदाया'चे (Ravidasiya Community) मुख्य ठिकाण आहे. पंजाबमध्ये या डेराच्या समर्थकांची संख्या सुमारे 15 लाख असल्याचं सांगण्यात येत आहे. हे समर्थक प्रामुख्याने अनुसूचित जातीचे (SC) आहेत. या समाजाच्या सोयीसाठी पंजाबमधील मतदानाची तारीख बदलून 14 वरून 20 फेब्रुवारी करण्यात आली. कारण 16 फेब्रुवारीला रविदास जयंती होती. त्यासाठी पंजाबबाहेर संत रविदासांचे जन्मस्थान असलेल्या वाराणसीमध्ये मोठ्या संख्येने 'रविदासी' राहत होते. या निर्णयामुळे विशेषत: भाजपच्या सहानुभूतीच्या आशाही वाढल्या आहेत.

VIDEO: अन् मंदिरातच महिलांसोबत किर्तन करायला बसले पंतप्रधान मोदी

पंजाबमधील 6 प्रभावशाली डेरामध्ये एक 'राधास्वामी सत्संग बियास' देखील आहे. बाबा गुरिंदर सिंग ढिल्लन हे त्याचे प्रमुख आहेत. पंतप्रधान नरेंद्र मोदी (PM Narendra Modi) पंजाबच्या दौऱ्यावर गेले असता त्यांनी बाबा गुरिंदर सिंग यांची खास भेट घेतली होती. केंद्रीय गृहमंत्री अमित शाह यांनी बाबा गुरिंदर सिंग यांची बुधवारी, 16 फेब्रुवारी रोजी अमृतसरमध्ये भेट घेतली. सुमारे 1 तास दोघांमध्ये चर्चा झाली. काय झाले, माहीत नाही, पण 'राधास्वामी सत्संग ब्यास'चा प्रभाव पंजाबमधील सुमारे 100 जागांवर आहे हे सर्वांना माहीत आहे.

लोक कोणाला पाठिंबा देतील आणि का?

फक्त भाजपच नाही तर काँग्रेस, अकाली दल, आम आदमी पार्टी देखील आजकाल पंजाबच्या प्रभावशाली डेरांची प्रदक्षिणा घालत आहेत. मात्र, डेरा समर्थक, पंजाबमधील जनता कोणाला पाठिंबा देणार हा प्रश्न अजूनही कायम आहे. मतदान करताना त्यांचा प्राधान्यक्रम काय असेल? याचे उत्तर अहमदगडच्या एक ग्रामस्थाने नाव न सांगण्याच्या अटीवर दिलं, ते म्हणतात, “आम्हाला रोजगार हवा आहे. चांगल्या सुविधा हव्यात. कोणताही बाबा आपल्याला हे सर्व कसे देऊ शकेल? त्यामुळे या गोष्टी देणाऱ्याला आम्ही मतदान करू.

First published:

Tags: BJP, Punjab, काँग्रेस