)
कुशीनगर, 04 नोव्हेंबर: दिवाळी सण अगदी तोंडावर आला असताना फटाक्यांच्या कारखान्यात भीषण स्फोट झाला आहे. या स्फोटाची भीषणता इतकी भयंकर होती की कारखाना जळून खाक झाला. या कारखान्यात आधी स्फोट झाला आणि त्यानंतर आग भडकली. फटाके असल्यानं ही आग वाढत गेली आणि रौद्र रुप धारण केलं. संपूर्ण कारखाना आगीच्या भक्ष्यस्थानी होता. या आगीची माहिती मिळताच अग्निशमन दलाच्या गाड्या घटनास्थळी दाखल झाल्या आहेत. त्यांनी तातडीनं आगीवर नियंत्रण मिळवण्याचे प्रयत्न केले मात्र फटाक्यांच्या कारखान्यत अक्षरश: आगडोंब उसळला होता. यामध्ये 3 जणांचा होरपळून मृत्यू झाला आहे तर अनेक जण जखमी झाले आहेत. या घटनेची माहिती मिळताच पोलीस देखील घटनास्थळी दाखल झाले असून जखमींना उपचारासाठी रुग्णालयात दाखल करण्यात आलं आहे.
फटाक्यांची फॅक्ट्रीमध्ये भीषण स्फोट, 3 जणांचा मृत्यू अनेक जण जखमी pic.twitter.com/TxlzbSvMpD
— Kranti Kanetkar (@Krantikanetkar2) November 4, 2020
हे वाचा- दिवाळीआधी दोन मजुरांचं नशीब फळफळलं! खोदकाम करताना सापडले 2 मौल्यवान हिरे ही घटना उत्तर प्रदेशातील कुशीनगर परिसरात कप्तानगंज पोलीस ठाणा क्षेत्रात मंगल बाजार परिसरात घडली आहे. हा कारखाना फटाके तयार करण्याचं लायसन आणि परवानगी न घेता चालवला जात असल्याची माहिती मिळाली आहे. ही फॅक्ट्री अवैध स्वरुपानं चालवली जात असल्याची माहिती पोलिसांना मिळाली होती. दाट वस्तीत सुरू असलेल्या या अवैध कारखान्यात फटाक्यांचं काम सुरू होतं आणि अचानक स्फोट झाला. यामध्ये मोठ्या प्रमाणात नुकसान झालं आहे.
+6
फोटो
