)
उत्तर प्रदेश, 19 मार्च: उत्तर प्रदेशातील (Uttar Pradesh) योगी आदित्यनाथ मंत्रिमंडळाचा (Yogi Adityanath’s swearing-in ceremony) शपथविधी 25 मार्च रोजी होणार आहे. मंत्रिमंडळात महिला आणि तरुणांचा पुरेसा समावेश असणार आहे. वरिष्ठ प्रशासकीय सूत्रांनी यासंदर्भातली माहिती दिली आहे. शपथविधी सोहळा अविस्मरणीय आणि भव्य करण्यासाठी राजधानीतील अटलबिहारी बाजपेयी एकना स्टेडियमवर (Atal Bihari Vajpayee Ekna Stadium) हा सोहळ्याचं आयोजन करण्यात आलं आहे. पंतप्रधान नरेंद्र मोदी, भाजपचे राष्ट्रीय अध्यक्ष जेपी नड्डा, संरक्षण मंत्री राजनाथ सिंह आणि गृहमंत्री अमित शहा, इतर केंद्रीय मंत्री, भाजपशासित राज्यांचे मुख्यमंत्री आणि देशभरातील प्रमुख नेते शपथविधी सोहळ्याला उपस्थित राहणार असल्याचं बोललं जात आहे.
Uttar Pradesh CM-designate Yogi Adityanath likely to take oath as the Chief Minister of the state on March 25 at 4pm: Official Sources
— ANI (@ANI) March 18, 2022
(File photo) pic.twitter.com/xZUGQgKtGo
याशिवाय काँग्रेस अध्यक्षा सोनिया गांधी, बंगालच्या मुख्यमंत्री ममता बॅनर्जी, दिल्लीचे मुख्यमंत्री अरविंद केजरीवाल, महाराष्ट्राचे मुख्यमंत्री आणि शिवसेना पक्षप्रमुख उद्धव ठाकरे, सपाचे संरक्षक मुलायम यांच्यासह दिग्गज नेत्यांचा समावेश असण्याची शक्यता आहे. उत्तर प्रदेशचे सिंह यादव, सपा अध्यक्ष अखिलेश यादव आणि बसपा प्रमुख मायावती यांनाही या कार्यक्रमाला उपस्थित राहण्यासाठी आमंत्रित केलं जाणार आहे. 45 हजार लोकांची उपस्थिती अपेक्षित सूत्रांनी दिलेल्या माहितीनुसार, योगी आदित्यनाथ यांच्या शपथविधीला 45 हजार लोक उपस्थित राहण्याची शक्यता आहे. याशिवाय या कार्यक्रमासाठी 200 व्हीव्हीआयपी पाहुण्यांची यादी तयार करण्यात आल्याचं सांगण्यात येत आहे. लखनऊ स्टेडियमवर होणार कार्यक्रम योगी आदित्यनाथ यांच्या दुसऱ्या कार्यकाळाचा शपथविधी कार्यक्रम लखनऊच्या अटलबिहारी वाजपेयी आंतरराष्ट्रीय क्रिकेट स्टेडियमवर होणार आहे. हे स्टेडियम पूर्वी एकना आंतरराष्ट्रीय क्रिकेट स्टेडियम म्हणून ओळखले जात होतं. 2024 नुसार मंत्रिमंडळाचा होणार निर्णय विशेष म्हणजे योगी आदित्यनाथ यांच्या मंत्रिमंडळाच्या मदतीने भाजप 2024 च्या लोकसभा निवडणुका हाताळण्याच्या तयारीत आहे. 2024 च्या लोकसभा निवडणुका डोळ्यांसमोर ठेवून भाजपला अशा नेत्यांचा मंत्रिमंडळात समावेश करायचा आहे, ज्याद्वारे सर्व मतदारांना एकत्र करता येईल आणि लोकसभा निवडणुकीत जास्तीत जास्त जागा मिळवता येतील. 403 सदस्यांच्या विधानसभेत भाजपने 255 जागा जिंकून सलग दुसऱ्यांदा उत्तर प्रदेशात सत्ता राखली आहे. कोण असेल उपमुख्यमंत्री? सर्वांचे लक्ष उपमुख्यमंत्र्याकडे अशा परिस्थितीत योगी सरकारमध्ये उपमुख्यमंत्री पदाकडे सर्वांचं लक्ष लागलं आहे. योगी सरकारच्या पहिल्या कार्यकाळात उपमुख्यमंत्री राहिलेल्या केशव प्रसाद मौर्य यांचा यंदा पराभव झाला. त्यांनी सिरथू विधानसभेतून निवडणूक लढवली होती, मात्र त्यांचा पराभव झाला. आता योगी आदित्यनाथ यांच्या सरकारमध्ये ते पद कोणाकडे जाणार याकडे सर्वांचंच लक्ष लागलं आहे.
+6
फोटो
