)
सच्चिदानंद, प्रतिनिधी पाटणा, 18 जून : मालदह याला आंब्याचा राजा म्हटलं जात असलं तरी आंबी एक असे फळ आहे, सफरचंदासारखे सालसह खाल्ले जाते. पण या खास प्रकारच्या आंब्याची किंमत ऐकून तुमच्या पायाखालची जमीनच सरकेल. कारण लाल आंब्याच्या श्रेणीत येणाऱ्या या आंब्याची किंमत 500 रुपये प्रति नग आहे. त्याची मागणी एवढी आहे की, झाडावर असतानाच त्याची बुकिंग केले जाते. खगड़िया येथील रहिवासी छायानंद कुमार म्हणतात की, हा लाल आंब्याच्या श्रेणीत येतो, परंतु ते त्याला जपानी आंब्याच्या नावाने संबोधतात. त्यांच्या जवळ याचे एकच झाड आहे, त्यावर यावेळी सुमारे 200 आंबे आले आहेत.
500 रुपये प्रति नग - खगड़िया येथील शेतकरी छायानंद कुमार सांगतात की, त्यांच्याकडे असे एकच झाड आहे ज्यावर लाल आंबे पिकतात. ते पूर्णपणे लाल रंगाचे असते आणि ते सफरचंदासारखे खाल्ले जाते. जर कोणी या आंब्याची साल काढून दाखवली तर त्याला 10 हजारांचे बक्षीस दिले जाईल, असे चॅलेंजही त्यांनी दिले. म्हणजे हा आंबा सालसोबत खाल्ला जातो. या लाल आंब्याला त्यांनी जपानी आंबा असे नाव दिले. याशिवाय या आंब्यात एकही फायबर नाही. तसेच ते खाल्ल्याने शुगर लेव्हल वाढत नाही असा त्यांचा दावा आहे. प्रयोगशाळेतही ते प्रमाणित करण्यात आले आहे.
छाया नंद सांगतात की, ते अनेक दशकांपासून आंब्याची लागवड करत आहेत. त्यांच्याकडे आंब्याची शेकडो झाडं आहेत, पण हे जपानी आंब्याचं झाड त्याच्या वडिलांनी बेंगळुरूहून आणलं होतं. त्यांच्याकडे या श्रेणीतील हे एकच झाड आहे. त्याच्या वैशिष्ट्यामुळे, ते प्रति नगाच्या दराने विकले जाते. त्याच्या झाडावरच अॅडव्हान्स बुकिंग केले जाते. यावेळी सुमारे 200 फळे निघाली असून त्यापैकी 90 टक्के फळांची विक्री झाली आहे. दरवर्षी एवढी मागणी असते की ती पूर्ण करणे शक्य होत नाही. इतर आंब्यांपेक्षा त्याची जास्त काळजी घेतली जाते.
+6
फोटो
