)
दिल्ली, 21 फेब्रुवारी : शिवसेना नाव आणि धनुष्यबाण चिन्ह मिळाल्यानंतर शिंदे गटाकडून विधानसभेतील शिवसेनेचं कार्यालय ताब्यात घेण्यात आलं आहे. आता संसदेतील शिवसेनेचं पक्ष कार्यालय सुद्धा शिंदे गटाच्या ताब्यात गेले आहे. संसदेच्या भवनात शिवसेना पक्षाला जे कार्यालय मिळाले आहे. ते शिंदे गटाकडे देण्यात यावे, अशी मागणी खासदार राहुल शेवाळे यांनी केली होती. त्यांची ही मागणी लगेच मान्य करण्यात आली आहे. आता संसदेतील कार्यालय हे शिंदे गटाला मिळाले आहे. (EXCLUSIVE : मुख्यमंत्री शिंदे होणार का शिवसेना पक्षप्रमुख? या 3 पदांचा आहे पर्याय) त्यामुळे या कार्यालयात संजय राऊत, अनिल देसाई आणि प्रियंका चतुर्वेदी यांना प्रवेश मिळण्याची शक्यता नाही. जर एकनाथ शिंदे यांच्या शिवसेनेला हे तिन्ही नेते मानत असतील तर त्यांना कार्यालयात प्रवेश दिला जाईल अशी भूमिका संसदीय पक्षाचे नेते राहुल शेवाळे यांनी घेतली आहे. हाच निर्णय विनायक राऊत यांच्यासह लोकसभेतील पाच खासदारांबाबत घेतला जाणार आहे. (’…तेव्हा राष्ट्रवादीच आमच्याकडे आली होती’, सुधीर मुनगंटीवार यांचा मोठा खुलासा) दरम्यान, केंद्रीय निवडणूक आयोगाच्या निर्णयानंतर आज मुख्यमंत्री एकनाथ शिंदे यांच्या उपस्थितीत, शिवेसना पक्षाची पहिली कार्यकारणी ठरवण्या संदर्भातची बैठक होणार आहे. ही बैठक संध्याकाळी ७ वाजता दक्षिण मुंबईतील ताज प्रेसिडेंसी या हॅाटेलमध्ये होणार आहे. या बैठकीला शिवसेनेचे सर्व खासदार, आमदार आणि इतर प्रमुख पदाधिकारी उपस्थित राहणार आहेत. ही बैठक संपल्यानंतर बैठकीतून निर्णय जाहीर करण्यासाठी, शिवसेना पक्षाची पत्रकार परीषद ही होणार आहे. याच बैठकीत शिवसेना पक्षाची कार्यकारणीचा ठराव मंजूर करण्यात येणार आहे. या आधी बाळासाहेबांची शिवसेना पक्षात मुख्यमंत्री एकनाथ शिंदे यांना पक्षाचे “मुख्य नेते” असे पद देण्यात आले होते. त्या ऐवजी आता पक्षाला अधिकृत शिवसेना हे नाव आणि धनुष्यबाण हे निवडणूक चिन्ह मिळाल्यानंतर मुख्यमंत्री एकनाथ शिंदे यांच्यासाठी तीन सर्वोच्च पदाचा विचार कार्यकारिणी करत असल्याची माहिती मिळतेय.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
