• Home
  • »
  • News
  • »
  • national
  • »
  • कोरोना नियमांचं उल्लंघन, बर्थडे पार्टीत डान्सरला बोलावून पैशांची उधळण; Must Watch

कोरोना नियमांचं उल्लंघन, बर्थडे पार्टीत डान्सरला बोलावून पैशांची उधळण; Must Watch

कोरोनाच्या नियमांचं (Rules of corona) उल्लंघन होत असल्याचेही बरेच प्रकार समोर येत आहे. सूरतमध्ये ही असाच एक प्रकार घडला आहे.

  • Share this:
    सूरत, 09 ऑक्टोबर: कोरोना व्हायरसचा (Coronavirus) प्रार्दुभाव कमी झाला आहे. मात्र अद्याप कोरोना नष्ट झालेला नाही. देशातल्या अनेक राज्यात अजूनही कोरोनाचा (corona virus) प्रार्दुभाव पाहायला मिळतोय. त्यामुळे कोरोना प्रसार रोखण्यासाठी अनेक राज्यात शर्थीचे प्रयत्न सुरु आहेत. मात्र त्यात कोरोनाच्या नियमांचं (Rules of corona) उल्लंघन होत असल्याचेही बरेच प्रकार समोर येत आहे. सूरतमध्ये ही असाच एक प्रकार घडला आहे. गुजरात सरकार (Gujarat Government) कोरोना व्हायरस महामारीची संभाव्य तिसरी लाट रोखण्यासाठी सर्वतोपरी प्रयत्न करत आहे. यामुळे, अनेक जिल्ह्यांमध्ये नाईट कर्फ्यूची (Night Curfew) वेळ मर्यादा वाढवण्यात आली आहे आणि अधिकाऱ्यांना कडक कारवाई करण्याच्या सूचनाही देण्यात आल्या आहेत. मात्र काही लोक अजूनही सरकारच्या आदेशांचं पालन न करता कोरोना नियमांचे उल्लंघन करत आहेत. पोलीस स्टेशन जवळ सेलिब्रेशन ही घटना घडली आहे सूरतमध्ये. जेथे नाईट कर्फ्यूचे आणि पोलीस आयुक्तांच्या अधिसूचनेचं उल्लंघन करण्यात आलं आहे. भागातलाव जनता मार्केटमध्ये काही लोकांनीबर्थडे पार्टीसाठी एका डान्सरला बोलावलं होतं. तसंच या पार्टीत पैसे उडवल्याचं दिसलं. ही बर्थडे पार्टी अठवा पोलीस स्टेशनपासून काही अंतरावर सुरु होती. ज्यात कोरोना नियमांचा फज्जा उडवण्यात आलेला दिसून आला. या बर्थडे पार्टीचा एक व्हिडिओ देखील समोर आला आहे. जो सध्या सोशल मीडियावर व्हायरल होत आहे. त्याचबरोबर सरकार आणि पोलिसांच्या कारवाईवरही लोकं प्रश्न उपस्थित करत आहेत. पोलिसांनी काय केली कारवाई या बर्थडे पार्टीचा व्हायरल झाल्यानंतर पोलिसांनी व्हायरल व्हिडिओचा तपास सुरु करुन कारवाई करण्यास सुरुवात केली. तपासा दरम्यान असं समोर आलं की, हा व्हिडिओ 5 दिवसांपूर्वीचा आहे. ज्यामध्ये नानपुरा खंडेरापुरा येथील रहिवासी उहैद शेख आपल्या एक वर्षाच्या मुलीचा बर्थडे साजरा करत आहे. या पार्टीमध्ये एक मोठा स्टेज उभारण्यात आला होता, ज्यावर एका प्रोफेशनल डान्सरला डान्स करण्यासाठी बोलावण्यात आलं होतं. या व्हिडिओमध्ये सुकरी आणि मिंडी गँगचे सदस्यही दिसत आहेत. याशिवाय रुस्तमपुराचा प्रसिद्ध जाफर गोल्डन देखील या व्हिडिओमध्ये दिसत आहे. पोलिसांकडून 7 जणांना अटक पोलिसांनी तपास करुन व्हिडिओचे लोकेशन शोधून काढलं आणि त्यात दिसणाऱ्या लोकांचा शोध घेतलाय. त्यानंतर पोलिसांनी नानपुरा खंडेरापुरा येथील रहिवासी, उहैद शेख, कैझर शेख, फवाद शेख, उवैश कुंभार, तुफैल कुंभार, मोहम्मद ईशा शेख आणि अनस फकीर अंग्रेज यांना अटक केली. अटक करण्यात आलेल्यांवर कोरोना नियमांचं उल्लंघन करण्यासह विविध कलमांखाली गुन्हा दाखल करण्यात आला आहे. त्याचबरोबर इतर आरोपी, डान्सर आणि डीजेची चौकशी सुरू आहे. लवकरच पोलीस त्यांच्यावरही काही कारवाई करण्याची शक्यता आहे.
    Published by:Pooja Vichare
    First published: