Alert : भारताबाबत वैज्ञानिकाचा दावा ठरतोय खरा; जुलैमध्ये 7 पटीने रुग्णसंख्या वाढण्याची भीती

नवी दिल्ली / न्यूयॉर्क, 9 जून :  जागतिक आरोग्य संघटना (डब्ल्यूएचओ) ने भारत (India) यासह दक्षिण आशियाई देशांसाठी सतर्कतेचा इशारा दिला आहे. येथे राहणारी मोठी लोकसंख्या कोरोना विषाणूची शिकार होऊ शकते, असा त्यांनी दावा केला आहे.

दिल्लीचे उपमुख्यमंत्री मनीष सिसोदिया यांनीही मंगळवारी एका मूल्यांकनानुसार सांगितले की, जुलै अखेर दिल्लीत 5 लाखांहून अधिक लोकांना संसर्ग होऊ शकतो. भारतीय वंशाचे वैज्ञानिक भमरार मुखर्जी यांनी 23 मे रोजी दावा केला होता की, जुलैच्या पहिल्या आठवड्यापर्यंत देशात 21 लाखांहून अधिक लोकांना संसर्ग होऊ शकतो आणि दर 13 दिवसांनी प्रकरणे दुप्पट होतील.

कोरोना विषाणूच्या बाबतीत भारत जगात सहावा आणि आशियात प्रथम क्रमांकावर आहे. मिशिगन विद्यापीठ आणि जॉन्स हॉपकिन्स विद्यापीठाने कोरोना मॉडेलद्वारे असा इशारा दिला आहे की, जुलैच्या पहिल्या आठवड्यात भारतातील 21 लाख लोकांना लागण होण्याची शक्यता आहे.

मिशिगन युनिव्हर्सिटीचे बायोस्टॅटिस्टिक्स आणि एपिडेमिओलॉजिस्ट प्रोफेसर भुर मुखर्जी यांनी वृत्तसंस्था रॉयटर्सला सांगितले की, भारताची परिस्थिती आणखी गंभीर बनू शकेल. यासाठी त्यांनी आधीच भारतासाठी डिझाइन केलेल्या मॉडेलच्या माध्यमातून चेतावणी दिली होती. प्रोफेसर मुखर्जी यांच्या पथकाने एप्रिलमध्ये प्रथम सांगितले होते की, मेच्या मध्यापर्यंत भारतात संक्रमित लोकांची संख्या 1 लाखांच्या पुढे जाईल.

महाराष्ट्र-दिल्लीमध्ये 12-13 दिवसात दुपटीने वाढतायेत रुग्ण

प्राध्यापक भ्रमर मुखर्जी म्हणतात की, भारतात अद्याप संसर्गाचे प्रमाण कमी झाले नाही. सरकारी आकडेवारीनुसार भारतात कोरोना विषाणूची लागण होण्याची प्रकरणं दर 13 दिवसांनी दुप्पट होत आहेत. अशा परिस्थितीत लॉकडाउनशी संबंधित बंधने कमी करणे अडचणी वाढवू शकते. मंगळवारी दिल्लीचे उपमुख्यमंत्री मनीष सिसोदिया म्हणाले की, दिल्ली सरकारचा अंदाज आहे की, राज्यात कोरोना प्रकरणे 12 ते 13 दिवसांत दुप्पट होत आहेत. अशा परिस्थितीत भ्रमर मुखर्जी यांचे मूल्यांकन खरे असल्याचे दिसते. 15 जूनपर्यंत दिल्लीत 44,000 रुग्णांची नोंद होण्याची शक्यता आहे. अशा परिस्थितीत दिल्लीच्या रुग्णालयात उपचारांसाठी अधिकाधिक बेड्सची आवश्यकता असेल.

हे वाचा-कोरोनाग्रस्त मृतदेहाबाबत भाजप नेत्याचा गंभीर आरोप,आरोग्य मंत्र्यांना लिहिले पत्र

 

 

 

संपादन - मीनल गांगुर्डे