PM मोदींनी कौतुक केलेल्या बुंदेलखंडच्या या गोष्टी माहिती नसतील; कधी एकदा भेट द्यावी असं होईल

जालौन, 16 जुलै : पंतप्रधान नरेंद्र मोदी यांनी शनिवारी देशाला नवी भेट दिली. चित्रकूट आणि इटावा यांना जोडणाऱ्या बुंदेलखंड एक्सप्रेसवेचे उद्घाटन केले. एक्स्प्रेस वेचे उद्घाटन करताना पंतप्रधानांनी मुख्यमंत्री योगी आदित्यनाथ यांना एक महत्त्वाची सूचनाही केली. या परिसरात पर्यटन वाढविण्यासाठी गड गिर्यारोहण स्पर्धा आयोजित करण्याची सूचना त्यांनी केली. या स्पर्धेसाठी तरुणांना आमंत्रित करा आणि गड चढण्याची स्पर्धा घ्या, असे ते म्हणाले. बुंदेलखंड प्रदेश हा उत्तर प्रदेश आणि मध्य प्रदेशच्या काही भागात पसरलेला आहे. भौगोलिक विस्तार, सांस्कृतिक विविधता आणि इतिहासामुळे बुंदेलखंडला अतिशय विलोभनीय आणि भव्य शहराचा दर्जा प्राप्त झाला आहे. हा प्रदेश अनेक पर्यटकांसाठी डेस्टिनी आहे. बुंदेलखंडचा मान्सून.. यंदा पावसाळ्यात फिरण्याचा डोक्यात विचार असेल तर बुंदेलखंडचा नक्की विचार करा. उत्तर प्रदेश पर्यटन यासाठी अनेक प्रवासी पॅकेजेस ऑफर करते. किंवा बुंदेलखंडमधील भव्य किल्ले आणि भव्य मंदिरे पाहण्यासाठी तुम्ही स्वत: सहलीचे नियोजन करू शकता. बुंदेलखंड सर्किटमध्ये झाशी, देवघर, कालिंजर, ललितपूर, चित्रकूट, काल्पी, महोबा आणि बरुआ सागर अशी पर्यटन स्थळे आहेत. पावसाळ्यात या ठिकाणी फिरणे हा एक सुखद अनुभव असू शकतो. बुंदेलखंडमध्ये जून ते ऑक्टोबरमध्ये 90 टक्के पाऊस पडतो. येथे सर्वाधिक पाऊस जुलै आणि ऑगस्टमध्ये होतो. पावसाळी हिरवळ: बुंदेलखंड सहलीत तुम्हाला अनेक ओसाड टेकड्या, जंगले आणि खोल नाले आढळतील. मात्र, पावसाळ्यात तुम्ही इथे आलात तर नद्यांमध्ये वाहणाऱ्या पाण्याचा प्रवाह तुम्हाला भुरळ घालतो. तसंच इथे आजूबाजूला हिरवळ दिसेल, ज्याने तुम्ही मंत्रमुग्ध व्हाल. साधारणपणे ओसाड असलेल्या या भागात पावसामुळे आनंदाचे भरते येते. पूर्वी राजे, ऋषी इथे येत असत, पण आता हे ठिकाण नवीन पर्यटकांच्या आकर्षणाचे केंद्र बनले आहे. दरवर्षी देश-विदेशातून लाखो पर्यटक या निसर्गसौंदर्याचा आनंद लुटण्यासाठी येतात. झाशी-बुंदेलखंडचे प्रवेशद्वार: तुमचा बुंदेलखंड प्रवास झाशीपासून सुरू करू शकता. 1857 मध्ये झाशीच्या किल्ल्यातील राणी लक्ष्मीबाईची ऐतिहासिक लढाई ही इथली खास गोष्ट आहे. गार वाऱ्याच्या झुळुकीने पावसाचे थेंब तुमच्या शरीराला आणि मनाला स्पर्श करतील. झाशी किल्ल्याची हिरवळ आणि हत्ती इथलं आकर्षण आहे. जवळच राणी महाल आहे, जो पूर्वी राणीचे निवासस्थान होता. येथे महाराणी लक्ष्मीबाई पार्क देखील आहे, जिथे दररोज संध्याकाळी लाइट आणि साउंड शो आयोजित केला जातो. गणेश मंदिर, राज्य वस्तुसंग्रहालय ही देखील आकर्षणाची केंद्रे आहेत. झाशीच्या आजूबाजूला भेट देण्यासारखी अनेक ठिकाणे झाशीच्या बाहेर महोबा रोडला गेल्यावर 9व्या शतकात बांधलेल्या ‘जराई का मठ’ मंदिराला नक्की भेट द्या. या मंदिरात शक्तीची पूजा केली जाते. या रस्त्यावरून पुढे जाताना तुम्हाला सुंदर बरुआ सागर तलाव आणि किल्ला पाहायला मिळेल. काही किलोमीटर पुढे गेल्यावर तुम्हाला पाणवठ्यांचे जग दिसेल. पाहुज धरण, परिछा धरण, तळबेहाट आणि माताटीला धरणाच्या निर्मळ शांत पाण्याने तुम्हाला खूप दिलासा मिळेल. देवघर आणि ललितपूर - किल्ले, शिल्प आणि लेण्यांचे जग ‘‘फोर्ट ऑफ द गॉड्स’ म्हणजेच देवघर झाशीपासून 120 किमी अंतरावर ललितपूरच्या डोंगराळ भागाजवळ बेतवा नदीच्या काठावर वसलेले आहे. देवघराच्या काही किलोमीटर आधी महावीर स्वामी शतक आहे. जवळच गुप्त राजवटीत बांधलेले दशावतार मंदिर आहे. देवघरच्या जवळ आल्यावर तुम्हाला टेकडीवर बांधलेली 31 जैन मंदिरे दिसतील, जी 9व्या शतकात बांधली गेली होती. डोंगराजवळ एक जंगल आहे, त्यात सिद्धी गुंफा आहे. ललितपूरमधील दर्गा हजरत सदन शाह आणि छत्रपाल जैन मंदिर ही पाहण्यासारखी ठिकाणे आहेत. देवघरात पांडवांचे जंगलही आहे. पांडवांनी येथे वनवासात राहिले होते, असे सांगितले जाते. मचकुंड गुहा हे बेटवा नदीच्या खोऱ्याजवळील एक प्रसिद्ध पर्यटन स्थळ आहे. कालिंजर: बांदापासून 69 किमी आणि झाशीपासून 280 किमी अंतरावर असलेल्या कालिंजर किल्ल्याचा प्रवास पावसाळ्याच्या सुखद ऋतूत आपल्यासाठी संस्मरणीय असेल. हे मंदिर भगवान शिवाला समर्पित आहे. या किल्ल्यात दगडी भिंतीवर शिवलिंग आणि देवतांच्या मूर्ती कोरलेल्या आहेत. महोबा - पान आणि जल अभियांत्रिकीचा मेळ : हे झाशीपासून 140 किमी अंतरावर आहे. जर तुम्ही पावसाळ्यात महोबाला भेट दिलीत तर तुम्हाला अनेक लहान-मोठ्या टेकड्या आणि फुलांनी वेढलेले हिरवेगार तलाव दिसतील. महोबा किल्ला डोंगरावर वसलेला आहे. चंदेलांनी तयार केलेले सरोवर त्यांच्या यशस्वी जल व्यवस्थापन प्रणालीमुळे उत्कृष्ट अभियांत्रिकीचे उदाहरण मानले जातात. महोबा पान उत्पादनासाठीही ओळखला जातो. महोबापासून 2 किमी अंतरावर राहिला गावात ग्रॅनाइटपासून बनवलेले एक प्राचीन सूर्य मंदिर आहे, जे पाहून तुमचे डोळे पाणावतील. महोबाला ‘तलावांचे शहर’ असेही म्हणतात. जर तुम्हाला साहसी गोष्टी आवडत असेल प्रेम आणि देव मानवी रुपात अनुभवायचा असेल तर बुंदेलखंडला नक्की भेद द्या. अधिक माहितीसाठी उत्तर प्रदेशच्या पर्यटन वेबसाइट www.uptourism.gov.in ला भेट द्या.

• Follow us on