कोरोनानंतरचा धक्का सावरण्यासाठी मोदींचा Action Plan, असं असेल शैक्षणिक धोरण!

कोरोनानंतरचा धक्का सावरण्यासाठी मोदींचा Action Plan, असं असेल शैक्षणिक धोरण!

केंद्र सरकारने ऑनलाईन शिक्षणाला मोठ्या प्रमाणात बळकटी दिली आहे. त्यासाठी दुरर्दशन आणि रेडिओ सारख्या माध्यमांचाही वापर केला जाणार आहे.

  • Share this:

नवी दिल्ली 29 मे : देशाची आणि जगाची नवी गरज लक्षात घेऊन केंद्र सरकारने नवीन शैक्षणिक धोरण तयार केलं आहे. गेली काही महिने त्यावर काम  सुरू होतं. त्यात कोरोनाचं महासंकट आल्याने सगळी परिस्थितीच बदलून गेली आहे. आता त्यात काही नवे बदल करण्यात येत असून हे नवं धोरण संसदेत मांडण्यात येणार आहे.  संसदेच्या मंजूरीनंतर  ते देशभर लागू केलं जाणार आहे. पंतप्रधान नरेंद्र मोदी यांनी हे धोरण बनवितांना खास लक्ष घातलं असून त्यांनीही यात अनेक गोष्टी सूचवलेल्या आहेत.

नवीन प्रवाह आणि बदल लक्षात घेऊन हे नवीन शिक्षण धोरण तयार केले गेले आहे. संसदेने मंजुरी मिळताच नवीन शिक्षण धोरण देशात लागू केले जाईल. हे धोरण तयार करताना सगळ्याच घटकांशी व्यापक चर्चा करण्यात आल्याचा दावा करण्यात येत आहे.  इतक्या विचार विनिमयानंतर हे असे पहिले शिक्षण धोरण असेल. त्यात कोट्यावधी लोक सामील झाले आहेत.

या शैक्षणिक धोरणात ग्रामपंचायती, शिक्षण तज्ज्ञ, राजकारणी, शास्त्रज्ञ, विद्यार्थी आणि पालक यांचेही मत घेतले गेले आहे. लॉकडाउनमधील शिक्षक विद्यार्थ्यांना ऑनलाइन शिकविण्यात व्यस्त असताना एकीकडे देश कोरोनाशी लढा देत होता. दूरदर्शन व रेडिओच्या माध्यमातून ग्रामीण भागातील तसेच शहरी भागातील विद्यार्थ्यांना ऑनलाईन शिक्षण उपलब्ध करुन दिले जाईल,असे  केंद्रीय मनुष्यबळ विकास मंत्री रमेश पोखरियाल निशंक यांनी म्हटले आहे.

लॉकडाऊनमध्ये जास्त सूट दिल्यास वैज्ञानिकांनी व्यक्त केली भीती

मुले ही देशाचे भविष्य आहेत. म्हणूनच, चांगले शिक्षण आणि त्यांचे संरक्षण ही आपली सर्वात मोठी जबाबदारी आहे. अशा कठीण परिस्थितीत शिक्षकांमुळे विद्यार्थी शिक्षणाशी जोडलेले राहिले. वास्तविक शिक्षक देखील कोरोना वॉरियर्स आहेत. कोणत्याही शिक्षकास कोणत्याही प्रकारची तक्रार किंवा समस्या असल्यास युजीसीच्या तक्रार कक्षाशी संपर्क साधा. याशिवाय तुम्ही मंत्रालयातही संपर्क साधू शकता,असे केंद्रीय मनुष्यबळ विकास मंत्र्यांनी म्हटले आहे.

या देशात Lockdownमध्ये पाहिला जातोय ‘बाहुबली’,  लोकांवर आहे बॉलिवूडची जादू!

केंद्र सरकारने ऑनलाईन शिक्षणाला मोठ्या प्रमाणात बळकटी दिली आहे आणि स्वयंभू वाहिनी जगातील सर्वात मोठे शिक्षण मंच बनली आहे. तेथे दीक्षा आणि ई-पाठशाला सारखे प्लॅटफॉर्म आहेत. परंतु तरीही, दूरदूरच्या भागात राहणाऱ्या  विद्यार्थ्यांना नेट आणि मोबाइल नेटवर्कची समस्या आहे, म्हणून आम्ही दूरदर्शनच्या माध्यमातून त्यांना दूरदर्शनच्या माध्यमातून जोडत आहोत. ते रेडिओद्वारेही शिक्षण घेतील. शेवटच्या टप्प्यावर राहणारा कोणताही विद्यार्थी अभ्यासापासून वंचित राहणार नाही,असा दावा केंद्रीय मनुष्यबळ विकास मंत्रालयाने केला आहे.

 

 

First published: May 29, 2020, 10:28 PM IST

ताज्या बातम्या

corona virus btn
corona virus btn
Loading