)
बेळगाव, 4 मे : कर्नाटकात सध्या विधानसभा निवडणुकांचा धुरळा सुरू आहे. महाराष्ट्रातील राजकीय नेतेही आपापल्या पक्षाच्या प्रचारासाठी जात आहेत. मात्र, त्यांना महाराष्ट्र एकीकरण समितीच्या रोषाला सामोरे जावे लागत आहे. आधी भाजप नेते आणि उपमुख्यमंत्री देवेंद्र फडणवीस यांना टिळक चौकात काळे झेंडे दाखवण्यात आले होते. आता काँग्रेस नेते अशोक चव्हाण यांना देखील महाराष्ट्र एकीकरण समितीने काळे झेंडे दाखवून विरोध केला. अशोक चव्हाण यांना बेळगावात दाखवले काळे झेंडे कर्नाटक विधानसभा निवडणुकीत प्रचार अंतिम टप्प्यात आहे. 10 मे रोजी मतदान होणार आहे. तर 13 मे रोजी मतमोजणी होणार आहे. काँग्रेस नेते अशोक चव्हाण आणि सतेज पाटील आज पक्षाच्या प्रचारासाठी बेळगावात आले होते. यावेळी बेळगाव ग्रामीणच्या आमदार लक्ष्मी हेब्बाळकर यांच्या प्रचारार्थ आले होते. यावेळी बेनकनहळ्ळी या गावात महाराष्ट्र एकीकरण समितीच्या कार्यकर्त्यांनी व महिलांनी काळे झेंडे दाखवत अशोक चव्हाण आणि सतेज पाटील यांचा निषेध केला.
Video : काँग्रेस नेत्यांना बेळगावात धाकवले काळे झेंडे#belgaon #KarnatakaAssemblyElection pic.twitter.com/e914uAbPhe
— News18Lokmat (@News18lokmat) May 4, 2023
फडणवीसांनाही काळे झेंडे याआधी भाजप नेते देवेंद्र फडणवीस यांनाही महाराष्ट्र एकीकरण समितीच्या कार्यकर्त्यांच्या विरोधाला सामोरे जावे लागले. बेळगाव येथील प्रचार सभेत देवेंद्र फडणवीस म्हणाले, पंतप्रधान मोदी आल्यानंतर भ्रष्टाचार थांबला. टॅक्सची चोरी थांबवली. काळा पैसा तिजोरीत आला. मूठभर लोकांनी त्याच्या तिजोरीत ठेवलेला पैसा मोदी यांनी परत आणला. देशाला एकसंघ करण्याचे काम मोदी करत आहेत. प्रगतीमध्ये डबल इंजिन महत्त्वाचे आहे. मागच्या निवडणुकीत 105 आले होते. भाजपला थोडे कमी पडले होते. मग त्यानंतर कर्नाटकमध्ये सर्कस पाहायला मिळाली. वाचा - बारसू रिफायनरी प्रकल्पाबाबत राज्य सरकारचा मोठा निर्णय; याचिकाकर्त्यांना मोठा दिलासा बजरंगदलावर बंदी टाकायची तुमच्या बापाची हिम्मत नाही. बजरंगबलाची ताकद दाखवून देण्याची वेळ आली आहे. बजरंगदलावर आम्ही बंदी घालू असं कोणी म्हणत असेल तर त्याच्या मताला आग लावण्याची भूमिका तुम्ही घेतली पाहिजे. रामाच्या अस्तित्वावर प्रश्नचिन्ह उपस्थित करणाऱ्या मागे आपण राहणार आहोत का, असा सवाल फडणवीस यांनी उपस्थित केला. काँग्रेसने आपल्या जाहीरनाम्यात बजरंगदलावर बंदी घालण्याचे जाहीर केले आहे. यावरुन आता भाजप आक्रमक झाली असून बजरंगदलाच्या समर्थनावर भाष्य करताना दिसून येत आहे.
+6
फोटो
