बापरे! दहावीच्या विद्यार्थिनीला आला हृदयविकाराचा झटका, पेपर सुरू झाल्यानंतर काही मिनिटांतच कोसळली

म्हैसूर, 29 मार्च : सध्याच्या ताण-तणावाच्या जीवनशैलीमुळं प्रत्येकाचंच स्वतःच्या आणि कुटुंबीयांच्या आरोग्याकडं (health issues) दुर्लक्ष होत आहे. नुकतीच एका 15 वर्षीय विद्यार्थिनीचा परीक्षा देताना हृदयविकाराच्या झटक्यानं (cardiac arrest) मृत्यू झाल्याची घटना समोर आली आहे. ही घटना सोमवारी घडली. नरसीपुरा शहरातील विद्योदय हायस्कूल परीक्षा केंद्राच्या परीक्षा हॉलमध्ये (exam hall) अनुश्री (वय 15) ही परीक्षा देण्यासाठी आली होती. इथं परीक्षा सुरू होऊन सुमारे 7 मिनिटे झाली होती. तेवढ्यात अनुश्री तिच्या सीटवरून खाली पडली. अचानक पडल्यापासून मोठा आवाज आला. यानंतर तेथे पोहोचलेल्या लोकांनी त्याला तातडीनं जवळच्या रुग्णालयात नेले, मात्र तेथील डॉक्टरांनी त्याला मृत घोषित केले. परीक्षा हॉलमध्ये उपस्थित कर्मचार्‍यांनी सांगितलं की, 6 ते 7 मिनिटांत परीक्षा सुरू झाली, अनुश्रीची शुद्ध हरपली आणि ती खुर्चीसह खाली पडली. यावर उपस्थित लोकांनी अनुश्रीला रुग्णालयात नेलं. टाईम्स ऑफ इंडियाच्या वृत्तानुसार, ती कर्नाटकातील म्हैसूर जिल्ह्यातील सरकारी हायस्कूल मादापुराची विद्यार्थिनी होती. ती मूळची जवळच्या अक्कूर गावातली होती. दरम्यान, कर्नाटकमध्ये इयत्ता 10वी किंवा एसएसएलसी बोर्डाच्या परीक्षा सोमवारी प्रथम भाषेने सुरू झाल्या. यामध्ये कन्नड, तेलगू, हिंदी, मराठी, उर्दू, तामिळ किंवा संस्कृत भाषांचा समावेश करण्यात आला आहे. ही परीक्षा 11 एप्रिलपर्यंत चालणार आहे. यामध्ये 48,000 हून अधिक हॉलमध्ये 8.74 लाखांहून अधिक विद्यार्थ्यांनी सहभाग घेतला आहे.

प्रदीर्घ हिजाबच्या वादानंतर सुरू झाल्या आहेत या परीक्षा सरकारने राज्यभरात 3,440 परीक्षा केंद्रं स्थापन केली आहेत. राज्याचे गृहमंत्री अरगा ज्ञानेंद्र यांनी इथं कडक आदेश जारी केला आहे. परीक्षा केंद्रावर हिजाब घालू नका, असा इशारा त्यांनी दिला आहे. हिजाबबाबत उच्च न्यायालयाच्या आदेशाचं उल्लंघन झालं तर कोणालाही परीक्षा देऊ दिली जाणार नाही, असं ते म्हणाले. विद्यार्थिनींनी परीक्षा हॉलमध्ये येण्यापूर्वी त्यांचा हिजाब काढावा, असे ज्ञानेंद्र यांनी सांगितलं. त्याच धर्तीवर कर्नाटकचे प्राथमिक आणि माध्यमिक शिक्षण मंत्री बीसी नागेश यांनीही आपलं मत व्यक्त केले. पोलिस दोषींवर कारवाई करणार असल्याचं त्यांनी सांगितलं. विद्यार्थ्यांना त्यांच्या शालेय गणवेशात परीक्षा द्यावी लागेल. अंतिम परीक्षेपूर्वी, कर्नाटक बोर्डानं 21 फेब्रुवारी ते 26 फेब्रुवारी दरम्यान दहावीच्या विद्यार्थ्यांसाठी प्राथमिक परीक्षाही घेतली होती.

• Follow us on