इस्रोच्या शिरपेचात आणखी एक मानाचा तुरा; एकाच वेळी 9 उपग्रहांचे प्रक्षेपण

नवी दिल्ली, 26 नोव्हेंबर : भारतीय अंतराळ संशोधन संस्था अर्थात इस्रोने आज आणखी एक भीम पराक्रम केला आहे. इस्रोने एकाच वेळी 9 उपग्रह प्रक्षेपित केले आहेत. प्रक्षेपित करण्यात आलेल्या उपग्रहांमध्ये Oceansat-3 सह आठ छोट्या उपग्रहांचा समावेश आहे. यामध्ये एका भूतानच्या उपग्रहाचा देखील समावेश आहे. तामिळनाडूच्या श्रीहरिकोटा येथील सतीश धवन अंतराळ केंद्रातून पीएसएलव्ही-सी 54/ ईओएस -06 मिशन अंतर्गत इस्रोकडून हे उपग्रह प्रक्षेपित करण्यात आले आहेत. या वृत्ताला इस्रोकडून दुजोरा देण्यात आला आहे.

ISRO ने PSLV C54/EOS06 लॉन्च किया, इसे ओशनसैट-3 के नाम से भी जाना जाता है। साथ ही आंध्र प्रदेश के श्रीहरिकोटा के सतीश धवन अंतरिक्ष केंद्र से 8 नैनो उपग्रहों को लॉन्च किया गया।

(फोटो सोर्स: ISRO) pic.twitter.com/iNSksbR5r0 — ANI_HindiNews (@AHindinews) November 26, 2022

इस्रोच्या अध्यक्षांची माहिती

याबाबत इस्रोचे अध्यक्ष एस सोमनाथ यांनी माहिती दिली आहे. इस्रोने एकाच वेळी 9 उपग्रह प्रक्षेपित केले आहेत. प्रक्षेपित करण्यात आलेल्या उपग्रहांमध्ये Oceansat-3 सह आठ छोट्या उपग्रहांचा समावेश असल्याचं सोमनाथ यांनी म्हटलं आहे. पुढे बोलताना त्यांनी म्हटलं की आज 11 वाजून 56 मिनिटांनी ओशनसॅट-3 आणि आठ मिनी उपग्रह प्रक्षेपित करण्यात आले आहेत.