Home /News /national /

कोरोनाची वाढती रुग्णसंख्या ही चौथी लाट तर नाही? तुमच्या मनातील प्रत्येक प्रश्नाला तज्ज्ञांचं उत्तर

कोरोनाची वाढती रुग्णसंख्या ही चौथी लाट तर नाही? तुमच्या मनातील प्रत्येक प्रश्नाला तज्ज्ञांचं उत्तर

increasing covid case indication of 4th wave? पब्लिक हेल्थ फाउंडेशन ऑफ इंडिया (PHFI) चे अध्यक्ष के. श्रीनाथ रेड्डी म्हणाले की, कोविड प्रकरण वाढले याचा अर्थ ती लाट असावी असा नाही. पण जर अचानक संसर्ग वाढला, टेस्ट वाढल्या आणि संसर्गाची पुष्टी होण्याचे प्रमाणही झपाट्याने वाढले, तरच संसर्ग झपाट्याने पसरत आहे यावर विश्वास ठेवावा लागेल.

पुढे वाचा ...
    नवी दिल्ली, 24 एप्रिल : कोरोना महामारीच्या तिसऱ्या लाटेनंतर (corona thir wave) परिस्थिती पूर्वपदावर येत असताना पुन्हा एकदा वाढत्या रुग्णांमुळे हा चौथ्या लाटेचा संकेत तर नाही ना? अशी भीती लोकांच्या मनात निर्माण झाली आहे. सामान्य लोकांच्या या चिंतेवर, पब्लिक हेल्थ फाउंडेशन ऑफ इंडिया (PHFI) चे अध्यक्ष के. श्रीनाथ रेड्डी यांना विचारले असता ते म्हणतात की सध्या ज्या प्रकारे कोरोनाची प्रकरणे वाढत आहेत, ती चौथी लाट मानता येणार नाही. हा विषाणू सतत त्याचे स्वरूप बदलत असतो. पण, तो आपली प्रतिकारशक्ती कमकुवत करतो का? आपल्या आत गंभीर आजार पसरवत तर नाही ना? हे आपल्याला पाहावे लागेल. ते म्हणाले की, या विषाणूविरुद्धचा लढा सोपा नाही. परंतु, जर आपण मागच्या चुका पुन्हा केल्या नाहीत तर आपण त्यावर मात करू शकतो. प्रश्नः कोरोनाचा संसर्ग पुन्हा वाढू लागला आहे. चौथी लाट येण्याची भीती आहे, काय म्हणता? उत्तरः कोविड केस वाढणे याचा अर्थ ती लाट आहे असे नाही. पण जर संसर्गाच्या घटनांमध्ये अचानक वाढ झाली, चाचण्यांची संख्या वाढू लागली आणि त्याच वेळी संसर्गाची पुष्टी होण्याचे प्रमाणही वाढू लागले, तर संसर्ग झपाट्याने पसरत आहे असे मानावे लागेल. जर यात झपाट्याने वाढ होत असेल तरच आपण ती लाट मानू शकतो. सध्या ज्या प्रकारे केसेस वाढत आहेत, ते केवळ लाटेचे लक्षण म्हणता येईल. प्रश्नः कोरोना विषाणूचे स्वरूप बदलण्याची शक्यता अजूनही आहे का? ते कुठेतरी आणखी घातक रूप घेईल का? उत्तर : आता घाबरण्यासारखी परिस्थिती नाही. सध्या, आपण संसर्ग अधिक पसरू न देण्याचा प्रयत्न केला पाहिजे. सध्या ही फारशी चिंतेची बाब नाही कारण ती लोकांना गंभीर आजाराकडे ढकलत नाही. आता अनेकांना लसही मिळाली आहे. जिथे व्हायरसने त्याचे स्वरूप बदलले आहे, तिथे आपली 'इम्युनिटी' (प्रतिकारशक्ती) ही वाढली आहे. अशा परिस्थितीत, व्हायरसचा कोणताही नवीन प्रकार आपली प्रतिकारशक्ती कमकुवत करत आहे की नाही हे पाहणे आवश्यक आहे. त्यामुळे कुठेतरी आपल्यात गंभीर आजार तर होत नाहीत ना? सध्या तरी तशी परिस्थिती दिसत नाही. केसेसची संख्या वाढली तरी आपण त्याला सामोरे जाऊ शकतो. आपण मास्क वापरत राहिले पाहिजे. सर्व प्रतिबंधात्मक उपाय देखील केले पाहिजेत. प्रश्न: सरकारने बूस्टर डोस प्रत्येकासाठी अनिवार्य करावा का? उत्तरः जे डॉक्टर आहेत, आरोग्य कर्मचारी आहेत किंवा जे कोरोनाविरुद्ध आघाडीवर काम करत आहेत, त्यांना आधी संरक्षण देण्याची गरज आहे, असे या सरकारचे मत आहे. पण मला वाटते व्हायरसमध्ये बरेच बदल होत आहेत. दिवसेंदिवस त्याचे स्वरूप बदलत आहे. आपल्या शरीराची प्रतिकारशक्ती काही काळानंतर कमी होत जाते. या स्थितीत, पुढे जाऊन लसीचा "बूस्टर डोस" घेणे आपल्यासाठी चांगले होईल. प्रश्न: हा विषाणू विज्ञानावर वरचढ ठरत आहे असे दिसते, आपण त्याच्याबरोबर जगण्याची सवय करावी का? उत्तरः आपल्याला व्हायरससोबत जगावे लागेल, यात शंका नाही. विषाणू नष्ट करणे इतके सोपे नाही. व्हायरस हजारो वर्षांपासून आपल्यासोबत आहेत. आतापर्यंत फक्त दोनच विषाणू आहेत, ज्यांना आपण लसींद्वारे नष्ट केले आहे. एक म्हणजे स्मॉल पॉक्स आणि दुसरे म्हणजे रिंडर पेस्ट, ज्याचा प्राण्यांवर परिणाम होतो. पोलिओचा विषाणूही पूर्णपणे नष्ट झालेला नाही. एखाद्या विषाणूचा समूळ नायनाट करणे सोपे नाही. परंतु, विज्ञानाच्या माध्यमातून आपण त्याचा प्रभाव, त्याचा प्रादुर्भाव कमी करू शकतो. जर विषाणू संपत नसेल, तर आपण यासाठी विज्ञानाला दोष देऊ शकत नाही. असे म्हणणे योग्य ठरणार नाही की इतके शास्त्रज्ञ आहेत, तरीही ते जगातून विषाणू नष्ट करू शकत नाहीत. कर्नाटकात हिजाबनंतर आता नवा वाद! विद्यार्थ्यांना शाळेत बायबल घेऊन जाणं बंधनकारक केल्यानं गोंधळ प्रश्न: कोविड-19 विरुद्ध भारताचा आतापर्यंतचा लढा तुम्ही कसा पाहता? उत्तरः जगातील प्रत्येक देशाने या महामारीशी लढा दिला आहे. परंतु, कोणालाही पूर्ण यश मिळालेले नाही. जेव्हा पहिली लाट आली तेव्हा संपूर्ण जगाला या विषाणूचे स्वरूप माहीत नव्हते. केंद्र आणि राज्य सरकारने त्या वेळी जे आवश्यक वाटले ते केले. पण त्याची दुसरी लाट आपल्यासाठी शिकण्याची संधी होती. पण, त्यात चुका झाल्या. आपल्याला जी खबरदारी घ्यायला हवी होती ती आम्ही घेतली नाही. त्यामुळे मोठे नुकसानही झाले. मात्र, त्यातून शिकलो आणि सुधारलो. लसीकरणावर लक्ष केंद्रित केले. आरोग्य सेवेपासून ऑक्सिजन पुरवठ्यापर्यंत मजबुत केले. क्रिकेटच्या भाषेच्या उदाहरणानेही आपण हे समजू शकतो. समजा, तुम्ही एकदिवसीय क्रिकेट सामन्यासारखे पाहिलं, तर सुरुवातीला खेळपट्टीची स्थिती समजू शकली नाही. तरीही आपल्याला फारसा त्रास झाला नाही. त्यानंतर आपल्या खेळाडूंनी काही निष्काळजी शॉट्स खेळले, त्यामुळे आपल्या काही विकेट पडल्या आणि परिस्थिती गंभीर झाली. पण त्यानंतर आपण डाव सांभाळला. अजून काही षटके बाकी आहेत. आपण पुन्हा त्याच चुका करू इच्छित नाही. आपल्याला त्यात सुधारणा करावी लागेल, मग आपण हा सामना जिंकू.
    Published by:Rahul Punde
    First published:

    Tags: Corona, Corona vaccination

    पुढील बातम्या