मदतीसाठी श्रीमंत नाही मन मोठं असावं लागतं; सर्वसामान्य आचारी 250 कोविड रुग्णांना पाठवतोय जेवण

मदतीसाठी श्रीमंत नाही मन मोठं असावं लागतं; सर्वसामान्य आचारी 250 कोविड रुग्णांना पाठवतोय जेवण

संदीप शर्मा यांनी प्रेरणादायी असं काम केलं आहे. जाणून घेऊया संदीप शर्मा यांच्या कामाविषयी...

  • Share this:

नवी दिल्ली, 11 मे : देशात कोरोनाच्या (Corona) दुसऱ्या लाटेमुळे (Second Wave) स्थिती गंभीर झाली आहे. कोरोनाबाधित रुग्णांच्या संख्येत सातत्याने वाढ होत असल्याने ऑक्सिजन, व्हेंटिलेटर बेडस, औषधांचा तुटवडा जाणवत आहे. वाढत्या रुग्णसंख्येने आरोग्य व्यवस्थेवर मोठा ताण आला आहे. कोरोनाच्या पार्श्वभूमीवर अनेक राज्यं, जिल्ह्यांमध्ये लॉकडाऊन, कडक निर्बंध लागू करण्यात आले आहेत. या सर्व स्थितीचा परिणाम सर्वसामान्य लोकांच्या रोजगारावर झाला आहे. तसेच या स्थितीमुळे अनेकांना मोठ्या अडचणींचा सामना करावा लागत आहे. त्यामुळे फ्रंटलाईन वर्कर्ससोबत सर्वसामान्य नागरिक स्वतः अडचणीत असताना या कठीण प्रसंगी एकमेकांना मदतीचा हात देताना दिसत आहेत. दिल्लीतील (Delhi)सीताराम बाजार येथील हलवाई संदीप शर्मा यांनी असेच काहीसे काम केले आहे. जाणून घेऊया संदीप शर्मा यांच्या कामाविषयी...

नवभारत टाईम्सच्या वृत्तानुसार, सीताराम बाजार येथील संदीप शर्मा यांनी कोरोना रुग्णांची (Corona patient)मदत करण्यासाठी एक पाऊल उचललं. याबाबत परवीन स्वामी यांनी सोशल मीडियावर (Social Media) एक पत्र शेअर केलं असून त्यात कॅप्शनमध्ये लिहीलं आहे की, सीताराम बाजार येथील एक छोटासा हलवाई संदीप शर्मा यांचे हे पत्र आहे. हे शर्मा उत्तर दिल्लीतील एका रुग्णालयातील 250 कोरोना रुग्णांना जेवण पाठवतात. तुम्हाला त्यांना काही मदत करता आली तर नक्की करा. कारण ते काही श्रीमंत नाहीत, पण आपल्यापरीनं जे जमेल ते करीत आहेत. या पत्रात काही वस्तुंची यादी आहे आणि शेवटी एक ओळ लिहीली आहे. बाकी श्रीमती तुम्ही बघून घ्या,तुम्ही जे पैसे द्याल त्यात मी तुमची सेवा करेन.

हे ही वाचा-भारतात दिसतंय त्यापेक्षा कोरोनाचं वास्तव वेगळंच? WHO नेसुद्धा व्यक्त केली चिंता

त्यानंतर व्टिटरवरील (Twitter) काही लोकांनी संदीप यांना मदतीचा हात देण्याची इच्छा व्यक्त केली. काहींनी एक दिवसाचे पैसे देण्याचं मान्य केलं. एका युझरने संदीप यांना ते करीत असलेल्या कामासाठी सलाम केला आहे. तुम्ही जी मदत करीत आहात,ईश्वर तुम्हाला त्याच्या दुप्पट मदत करेल, असे एका युझरने म्हटले आहे. एका युझरने संदीप यांच्या कामाचे कौतुक करत त्यांना सलाम केला आहे.

कोरोनामुळे सगळ्यांना अर्थिक अडचणींचा सामना करावा लागत आहे. त्यामुळे सर्वच घटकांना मदतीची गरज आहे. अनेक लोक त्यांना शक्य आहे, त्या पध्दतीने गरजूंना,रुग्णांना मदत करीत आहेत. त्यातही ज्या कुटुंबांना किंवा लोकांना गरज आहे,त्यांना दोन वेळचं अन्न देणं यापेक्षा अधिक मोठं आणि दिलासादायककामदुसरं काही नाही,हेच संदीप यांच्या मदतीतून स्पष्ट होतं.

First published: May 11, 2021, 7:53 AM IST

ताज्या बातम्या