मराठी बातम्या /बातम्या /देश /

सरकारी बँकेतील कर्मचाऱ्याचं निधन झाल्यास कुटुंबाला मिळणार 30 टक्के अधिक पेन्शन, अर्थमंत्र्यांची मोठी घोषणा

सरकारी बँकेतील कर्मचाऱ्याचं निधन झाल्यास कुटुंबाला मिळणार 30 टक्के अधिक पेन्शन, अर्थमंत्र्यांची मोठी घोषणा

सरकारी बँकेत काम करत असताना एखाद्या कर्मचाऱ्याचं निधन झालं, तर त्याच्या कुटुंबीयांना 30 टक्के अधिक पेन्शन मिळणार असल्याचं अर्थमंत्र्यांनी जाहीर केलं आहे.

सरकारी बँकेत काम करत असताना एखाद्या कर्मचाऱ्याचं निधन झालं, तर त्याच्या कुटुंबीयांना 30 टक्के अधिक पेन्शन मिळणार असल्याचं अर्थमंत्र्यांनी जाहीर केलं आहे.

सरकारी बँकेत काम करत असताना एखाद्या कर्मचाऱ्याचं निधन झालं, तर त्याच्या कुटुंबीयांना 30 टक्के अधिक पेन्शन मिळणार असल्याचं अर्थमंत्र्यांनी जाहीर केलं आहे.

  • Published by:  desk news

मुंबई, 25 ऑगस्ट : देशात आलेल्या कोरोनाच्या दुसऱ्या लाटेतून (second wave of corona virus) अर्थव्यवस्था (economy) सावरत असतानाच अर्थमंत्री निर्मला सीतारमण (Nirmala Sitharaman) यांनी काही महत्त्वाच्या घोषणा (announcements) केल्या आहेत. सरकारी बँकेत काम करत असताना एखाद्या कर्मचाऱ्याचं निधन झालं, तर त्याच्या कुटुंबीयांना 30 टक्के अधिक पेन्शन मिळणार असल्याचं अर्थमंत्र्यांनी जाहीर केलं आहे. यापूर्वी जेवढी पेन्शन हातात मिळत होती, त्यापेक्षा 30 टक्के अधिक रकक्म त्यात जमा केली जाईल, असं त्या म्हणाल्या.

सार्वजनिक बँकांतील अधिकाऱ्यांशी चर्चा

कोरोनाच्या दुसऱ्या लाटेनंतर प्रथमच मुंबईत आलेल्या अर्थमंत्री निर्मला सीतारमण यांनी देशातील प्रमुख सार्वजनिक बँकांच्या मुख्य अधिकाऱ्यांची आणि प्रमुखांची बैठक घेतली. गेल्या वर्षभरात विविध बँकांनी केलेल्या कामगिरीचा त्यात आढावा घेण्यात आला. कोरोना काळात झालेल्या आर्थिक नुकसानातून सावरण्यासाठी काय पावलं उचलावी लागतील, याचा धांडोळादेखील या बैठकीत घेण्यात आला.

धोरणात आणणार स्पष्टता

अर्थमंत्री सीतारमण यांनी मंगळवारी कन्फेडरेशन ऑफ इंडियन इंडस्ट्रीजच्या प्रमुखांसोबत बैठक घेतली. यामध्ये मोदी सरकार बँकांबाबतची आर्थिक रणनिती अधिक सुस्पष्ट कऱण्यासाठी धोरण आखत असल्याचं त्यांनी म्हटलं आहे. सर्वच सार्वजनिक बँकांनी अपेक्षेपेक्षा उत्तम कामगिरी केल्याचं त्यांनी सांगितलं.

अर्थमंत्र्यांनी मांडलेले महत्त्वाचे मुद्दे

  • फायनान्शिअल टेक्नॉलॉजी क्षेत्रालाही बँकिंग सपोर्टची गरज आहे
  • वेगाने वाढणाऱ्या अनेक उद्योगांना बँकिंग क्षेत्राच्या पाठिंब्याची गरज आहे
  • निर्यातदारांच्या मागण्यांवर बँकांनी गांभिर्यानं विचार करण्याची गरज आहे
  • या वर्षी देशातील प्रत्येक जिल्ह्यातील नागरिकांना कर्जाची सुविधा उपलब्ध केली जाईल

हे वाचा - तालिबानच्या कुरापती सुरुच, अफगाण नागरिकांसाठी काबूल विमानतळाचे दरवाजे बंद

बँक कर्मचाऱ्यांचा पेन्शन-पे आऊटही वाढणार

बँक कर्मचाऱ्यांच्या पेन्शन पे-आऊट योजनेची सीमा 9284 रुपयांवरून वाढवून ती 30 हजार ते 35 हजार रुपये केली जाणार असल्याचा विचार सुरू असल्याची माहिती वित्त विभागाचे सचिव तरुण बजाज यांनी दिली आहे. कर्मचाऱ्यांच्या पेन्शनमध्ये सरकारी बँकांचा पूर्वी असणारा 10 टक्के वाटा वाढवून आता तो 14 टक्के करण्यात आल्याचंही त्यांनी सांगितलं.

First published:

Tags: Bank, Nirmala Sitharaman