धक्कादायक! महिलेची प्रसूती सुरू असताना अचानक डॉक्टरच जमिनीवर कोसळले; ऑपरेशन थिएटरमध्येच मृत्यू

रायपूर 16 जुलै : एका रुग्णालयात महिलेच्या प्रसूतीदरम्यान धक्कादायक घटना घडली. छत्तीसगडमधील जिल्हा रुग्णालय जांजगीरच्या ऑपरेशन थिएटरमध्ये शुक्रवारी रात्री एका डॉक्टरचा मृत्यू झाला. याची माहिती मिळताच संपूर्ण रुग्णालयात एकच खळबळ उडाली. डॉ.शोभाराम बंजारे यांना वयाच्या 68 व्या वर्षी हृदयविकाराचा झटका आला. ते ऍनेस्थीसियाचे तज्ज्ञ होते. सिव्हिल सर्जनने कुटुंबीयांना घटनेची माहिती दिली. जिल्ह्यातील बॅरिस्टर ठाकूर छेदीलाल जिल्हा रुग्णालयात शुक्रवारी रात्री विविध प्रकारच्या रुग्णांच्या शस्त्रक्रियांची तयारी सुरू होती. त्याचवेळी, डॉक्टरांची एक टीम ऑपरेशन थिएटरमध्ये तैनात होती. प्रसूतीसाठी डॉ. शोभाराम बंजारे यांच्याकडून एका महिला रुग्णाला भूल देण्याचं इंजेक्शन दिलं जात होतं. त्याचवेळी रात्री नऊच्या सुमारास डॉ.बंजारे अचानक जमिनीवर कोसळले. Crime News : लॉटरीमुळे सापडला अट्टल गुन्हेगार; हत्येच्या आरोपात 7 वर्षांपासून होता फरार, असं फुटलं बिंग हा प्रकार पाहताच उपस्थित कर्मचाऱ्यांनी त्यांना उठवण्याचा प्रयत्न केला आणि वरिष्ठांना माहिती दिली. तात्काळ सिव्हिल सर्जन डॉ.अनिल जगत घटनास्थळी पोहोचले. ऑपरेशन थिएटरमध्ये बेशुद्ध पडलेल्या डॉ. बंजारे यांना आपत्कालीन वैद्यकीय सेवा पुरविण्यात आली, परंतु उपचारादरम्यान त्यांचा मृत्यू झाला. डॉ.शोभाराम बंजारे यांचे हृदयविकाराच्या झटक्याने निधन झाल्याचे कळते. सिव्हिल सर्जन डॉ.अनिल जगत म्हणाले की, जिल्हा रूग्णालयातील डॉक्टरांच्या कमतरतेवर मात करण्यासाठी DMF निधीतून अनेक डॉक्टरांची नियुक्ती करण्यात आली आहे. त्यामध्ये भूलतज्ज्ञ डॉ.शोभाराम बंजारे यांची 2019 मध्ये DMF निधीवर नियुक्ती करण्यात आली होती. डॉ.बंजारे यांनी नियुक्तीनंतर जिल्हा रुग्णालयातील अनेक मोठ्या ऑपरेशनमध्ये सहकार्य केले आहे. शुक्रवारी रात्री डॉ.बंजारे यांच्याकडे गर्भवती महिलेची शस्त्रक्रिया करण्याची ड्यूटी होती. डॉ. रुग्णाला इंजेक्शन देत असताना तो बेशुद्ध होऊन खाली पडला. डॉ. बंजारे यांचे नातेवाईक दुर्ग येथील गिढोला गावचे रहिवासी असून त्यांना माहिती देण्यात आली.

• Follow us on