Nudity Of women : मुलांना स्वतःच्या अर्धनग्न शरीरावर पेंटिंग करू दिल्याचं प्रकरण; हायकोर्टाचा महत्त्वपूर्ण निकाल

कोची, 5 जून : केरळ उच्च न्यायालयाने सोमवारी एका महिला अधिकार कार्यकर्त्याची POCSO कायद्याशी संबंधित खटल्यातून निर्दोष मुक्तता केली. अर्ध्या लोकसंख्येला त्यांच्या शरीरावर स्वायत्ततेचा अधिकार मिळत नाही. त्यांना छळवणूक, भेदभाव आणि शिक्षेचा सामना करावा लागतो आणि त्यांच्या स्वतःच्या शरीराबद्दल आणि जीवनाबद्दल निर्णय घेण्यासाठी त्यांना बहिष्कृत केले जाते. महिला हक्क कार्यकर्त्या रेहाना फातिमा यांच्यावर लैंगिक शोषणापासून बालकांचे संरक्षण (POCSO) कायदा, बाल न्याय आणि माहिती व तंत्रज्ञान कायद्यांतर्गत खटला सुरू होता. फातिमाचा एक व्हिडिओ समोर आला होता ज्यात ती तिच्या अल्पवयीन मुलांसमोर अर्धनग्न उभी होती आणि तिच्या अंगावर ‘पेंटिंग’ करू देत होती. फातिमाची निर्दोष मुक्तता करताना न्यायमूर्ती कौसर एडप्पागथ म्हणाले की, 33 वर्षीय महिलेवर लावण्यात आलेल्या आरोपांच्या आधारे, तिच्या मुलांचा लैंगिक समाधानासाठी वापर केला जात होता की नाही हे कोणालाही ठरवणे शक्य नाही. न्यायालयाने सांगितले की तिने फक्त तिच्या शरीराचा वापर तिच्या मुलांनी ‘पेंटिंग’साठी ‘कॅनव्हास’ म्हणून करण्याची परवानगी दिली होती. न्यायालयाने म्हटले, “स्त्रियांना त्यांच्या शरीराबाबत स्वायत्त निर्णय घेण्याचा अधिकार हा त्यांच्या समानता आणि गोपनीयतेच्या मूलभूत अधिकाराचा गाभा आहे. संविधानाच्या अनुच्छेद 21 मध्ये वैयक्तिक स्वातंत्र्याचाही समावेश होतो." वाचा - मधुचंद्राच्या रात्रीच नवरा-नवरीला कसा आला हार्ट अटॅक? निशब्द करणारी घटना पुरुषांचा नग्न वरचा भाग अश्लील मानला जात नाही कनिष्ठ न्यायालयाने आपली निर्दोष मुक्तता करणारी याचिका फेटाळण्याला फातिमाने उच्च न्यायालयात आव्हान दिले होते. महिलांच्या शरीराचा नग्न वरचा भाग लैंगिक तृप्ती किंवा लैंगिक कृत्यांशी संबंधित आहे. मात्र, पुरुषाच्या शरीराचा नग्न वरचा भाग लैंगिक कृत्यांशी संबंधित मानला जात नाही. या समाजाच्या दृष्टिकोनाविरुद्ध ‘बॉडी पेंटिंग’ ही एक राजकीय खेळी होती, असे फातिमाने उच्च न्यायालयात केलेल्या अपीलमध्ये म्हटले होते. फातिमाच्या युक्तिवादाशी सहमती दर्शवत न्यायमूर्ती एडप्पागथ म्हणाले की मुलांनी कला प्रकल्पाच्या रूपात आपल्या आईच्या शरीराच्या वरच्या भागाचे चित्र काढणे हे कोणत्याही प्रकारचे वास्तविक किंवा लैंगिक कृत्य म्हणून पाहिले जाऊ शकत नाही किंवा केवळ असे म्हणता येणार नाही की हे काम आहे. (बॉडी पेंटिंग) लैंगिक तृप्तीसाठी किंवा लैंगिक समाधानाच्या उद्देशाने केले गेले आहे.

• Follow us on