CBSE च्या दहावी- बारावी परीक्षा पुढे ढकलण्यात आल्या आहेत.
IIT आणि इतर केंद्रीय संस्थांसाठी आवश्यक प्रवेश परीक्षा JEE सुद्धा पुढे ढकलण्यात आली आहे.
31 मार्चनंतर परीक्षांच्या तारखेसंदर्भातले निर्णय कळवले जातील.
महाराष्ट्रात दिवसभरात चार कोरोनाबाधितांची वाढ झाली. त्यामुळे आता महाराष्ट्रातल्या कोरोनाग्रस्तांची संख्या 45 वर पोहोचली आहे. ही देशातली सर्वाधिक संख्या आहे. रत्नागिरीच्या 50 वर्षीय व्यक्तीला कोरोनाची लागण झाल्याचं आता स्पष्ट झालं आहे. ही व्यक्ती दुबईहून प्रवास करून आली होती, असं समजतं.
महाराष्ट्रातल्या कोरोनाबाधित रुग्णांची संख्या 44 झाली आहे. फिलिपाइन्समधून आलेला एक रुग्ण पॉझिटिव्ह सापडला.
मुंबईत एका 68 वर्षांच्या महिलेला कोरोनाव्हायरसची लागण झाल्याचं स्पष्ट झालं आहे. त्यामुळे राज्यातल्या कोरोना पॉझिटिव्ह रुग्णांची संख्या 43 वर गेली आहे.
या महिलेनं कोणताही आंतरराष्ट्रीय प्रवास केलेला नव्हता. काल ज्या संशयित रुग्णाचा कोरोनाव्हायरस चाचणीचा रिपोर्ट पॉझिटिव्ह आला, त्याच्या संपर्कात आल्यामुळे या महिलेला Covid-19 ची लागण झाल्याचं स्पष्ट झालं आहे.
उत्तराखंड राज्याने कोरोनाव्हायरसचा धोका टाळण्यासाठी मोठा निर्णय घेतला आहे. सर्व कर्मचाऱ्यांना घरून काम करण्याची मुभा देण्यात आली आहे. ज्यांची उपस्थिती कार्यालयात अनिवार्य आहे, त्यांनीच फक्त ऑफिसमध्ये हजेरी लावावी, बाकीच्यांनी घरून काम करावं, असे आदेश देण्यात आले आहेत. अर्थात यातून पोलीस, आरोग्य, अन्न आणि पाणीपुरवठा, वाहतूक, वीज आणि स्वच्छता विभागातल्या कर्मचाऱ्यांना वगळण्यात आलं आहे. अत्यावश्यक सेवा सुरू ठेवण्यासाठी या खात्यातील कर्मचाऱ्यांना कार्यालयात यावंच लागणार आहे.
वर्क फ्रॉम होमची काटेकरपणे अंमलबजावणी होईल
पुण्यात 8 खासगी हॉस्पिटलमध्ये विलगीरकणाला मान्यता
नायडूत 8 पॉजिटिव्ह तर 20 संशयित अँडमिट आहेत
कोरोनाव्हायरच्या चाचणीसाठी महाराष्ट्रात येत्या आठवड्याभरात सुरू होणार 8 नव्या लॅब.
हाफकिन्समध्येही होणार कोरोनाव्हायरसची चाचणी.
राज्यातली क्वारंटाइनसाठीचे बेड वाढवले.
आयसोलेशन वॉर्ड वाढवले.
लवकरच केंद्राकडून कोरोनाव्हायरससंदर्भातल्या 10 लाख किट मिळणार
आरोग्यमंत्री राजेश टोपे यांनी पुण्यात NIV ला भेट दिली. पुण्याहून LIVE
जगभरात धुमाकूळ घालत असलेल्या कोरोना व्हायरसने (Coronavirus) देशात हातपाय पसरले आहेत. महाराष्ट्रात सर्वाधिक coronavirus पॉझिटिव्ह रुग्ण सापडल्याने धोका वाढला आहे. या विषाणूच्या प्रसाराचा धोका कमी करण्याच्या दृष्टीने राज्य सरकारने कडक पावलं उचलायचा निर्णय घेतला आहे. कोरोनाव्हायरस संदर्भातले ताजे अपडेट्स इथे पाहा.
