केंद्र सरकारची मोठी कारवाई, पाकिस्तानला माहिती देणारे आणखी 14 App Block

नवी दिल्ली : केंद्र सरकारने पुन्हा एकदा मोठी कारवाई केली आहे. 14 अॅप सध्या बंद करण्यात आले आहेत. जम्मू-काश्मीरमधील दहशतवादी गटांकडून वापरण्यात येणारे १४ मेसेंजर मोबाइल अॅप्लिकेशन्स ब्लॉक केले आहेत. Cripwiser, Enigma, SafeSwiss, Vikrame, Mediafire, Briar, Beechat, Nandbox, Conion, IMO, Element, Second Line, Jangi, Threema अशा अॅपचा यामध्ये समावेश असल्याची माहिती सूत्रांकडून मिळाली आहे. अनेक एजन्सींना याबाबत माहिती मिळाली, हे App दहशतवादी संघटनेतील लोक काश्मीर खोऱ्यातील ऑन-ग्राउंड वर्कर्स (OGWs) सोबत संवाद साधण्याचं माध्यम म्हणून वापरत आहेत. मात्र ह्या App ला भारतात परवानगी नाही. भारतीय कायद्यानुसार माहिती मिळविण्यासाठी संपर्क साधता येत नाही. एजन्सींनी अनेक वेळा अॅप व्यवस्थापनाशी संपर्क साधण्याचा प्रयत्न केला.

News18लोकमत आणखी बातम्या…

Central Government blocks 14 mobile messenger apps. It is reported that terrorists used these mobile messenger apps to spread the message and receive messages from Pakistan.

— ANI (@ANI) May 1, 2023

यापैकी बहुतेक अॅप्स युजर्स हे वेगळ्या नावाने होते. याशिवाय त्याचं डिझाइन देखील वेगळं होतं ज्यामुळे युजर्सपर्यंत पोहोचण्यात अनेक आव्हानं येत आहेत. त्यामुळेच या अॅपला अखेर बंद करण्याचा निर्णय सरकारने घेतला आहे.

 भारतात हे अॅप चालू शकणार नाहीत. त्यामुळे भारतातील माहिती शत्रू देशांपर्यंत पोहोचू शकणार नाही. याच कारणासाठी केंद्र सरकारने या अॅपला बंद केलं आहे. दहशतवादी विरोधी कारवाईत सहभागी असलेल्या एका वरिष्ठ सरकारी अधिकाऱ्याने याबाबत महत्त्वाची माहिती दिली आहे.

सुरक्षा दल आणि तपास यंत्रणांना हे अॅप्स ऑपरेशनमध्ये मारल्या गेलेल्या दहशतवाद्यांकडून जप्त केलेल्या मोबाइल फोनवर डाउनलोड केलेले आढळले आहेत. अटक केलेल्या अनेक OGW च्या फोनवर यापैकी किमान एक अॅप होते. त्याचवेळी तपासादरम्यान हे अॅप्स पाकिस्तानस्थित दहशतवादी संघटनांचा अजेंडा वाढवण्यासाठी वापरण्यात येत असल्याचेही आढळून आले आहे.

• Follow us on