Bihar Election 2020: बिहारमध्ये 28 ऑक्टोबरपासून 3 टप्प्यात मतदान, 10 नोव्हेंबरला मतमोजणी

नवी दिल्ली, 25 सप्टेंबर: बिहार विधानसभा निवडणुकीचे बिगुल वाजले आहे. बिहार विधानसभेच्या 243 जागांसाठी होणाऱ्या निवडणुकीच्या तारखा जाहीर झाल्या आहेत. बिहारमध्ये 28 ऑक्टोबरपासून 3 टप्प्यात निवडणूक होणार असून 10 नोव्हेंबरला मतमोजणी होणार आहे.

दिल्लीतील विज्ञान भवनमध्ये झालेल्या पत्रकार परिषदेत मुख्य निवडणूक आयुक्त सुनील अरोरा यांनी ही माहिती दिली. बिहार निवडणुकीवर कोरोनाचा मोठा परिणाम झाला आहे. कोरोनामुळे जगातील 70 देशांमध्ये निवडणुका पुढे ढकलण्यात आल्या आहेत. मध्य प्रदेश, कर्नाटक आणि उत्तर प्रदेशात पोटनिवडणुकीच्या तारखांची घोषणा 29 नोव्हेंबरला करण्यात येईल, अशी माहिती सुनील अरोरा यांनी दिली आहे.

बिहारमध्ये सर्वसामान्य नागरिकांचे आरोग्य जपत लोकशाहीचा अधिकार वापरण्याची संधी देण्यात आली आहे. नवीन सुरक्षा नियमांच्या आधारावर विधानसभेची निवडणूक होईल, असंही सुनील अरोरा म्हणाले.

हेही वाचा...गायक एसपी बालासुब्रमण्यम यांची मृत्यूशी सुरू असलेली झुंज संपली

बिहारमध्ये निवडणुकीच्या पहिल्या टप्प्यात 28 ऑक्टोबरला दुसऱ्या टप्प्यात  3 नोव्हेंबरला तर तिसऱ्या टप्प्यात 7 नोव्हेंबरला मतदान होईल. तर 10 नोव्हेंबरला मतमोजणी अर्थात निवडणुकीचे निकाल समोर येतील.  दरम्यान,  बिहार विधानसभेचा कार्यकाळ 29 नोव्हेंबरला संपणार आहे. त्यामुळं नवीन सरकार हा कार्यकाळ संपण्याआधी स्थापन होणं गरजेचं असल्याचं निवडणूक आयुक्तांनी सांगितलं.

एक तासानं मतदानाचा कालावधी वाढवला...

बिहार विधानसभा निवडणुकीसाठी एक तास मतदानाची वेळ वाढविण्यात आली आहे.  सकाळी 7  ते सायंकाळी 6 पर्यंत मतदान होणार आहे. शेवटच्या एका तासात कोरोना पॉझिटिव्ह रुग्णांनी मतदानाचा हक्क बजवावा. हा निर्णय नक्षलग्रस्त मतदान केंद्रावर लागू लागू होणार नाही. प्रत्येक मतदान केंद्रावर ती थर्मल स्कॅनर लावण्यात येणार आहे. जवळपास 46 लाख मास्कचा वापर करण्यात येईल. सोबतच पीपीई वापर करण्यात येणार आहे.

#BiharElections2020

चुनावों में 6 लाख PPE किट का इंतज़ाम , कोरोना नियमों के तहत कराए जाएँगे चुनाव.#BiharElections #nitishkumar #JDU #RJD #TejashwiYadav #BJP #ElectionCommissionOfIndia pic.twitter.com/tbQHpcobR6

— News18 India (@News18India) September 25, 2020

आदर्श आचारसंहिता लागू...

मुख्य निवडणूक आयुक्त सुनील अरोरा यांनी सांगितलं की, बिहार विधानसभा निवडणुकीची घोषणा होताच राज्यात आदर्श आचारसंहिता लागू करण्यात आली आहे.

मुख्य निवडणूक आयोगाच्या परिषदेतील प्रमुख मुद्दे....

- बिहारमध्ये तीन टप्प्यात निवडणूक होणार

- पहिल्या टप्प्यात 71 जागांसाठी होणार मतदान यामध्ये नक्षलग्रस्त मतदान केंद्राचा ही होणार समावेश.

- दुसऱ्या टप्प्यात 94 मतदान केंद्रावर होणार मतदान उर्वरित मतदान केंद्रावर तिसऱ्या टप्प्यात मतदान होणार

- तिसऱ्या टप्प्यात 78 जागांवर होणार मतदान.

- बिहार निवडणुकीवर कोरोनाचा मोठा परिणाम झाला आहे.

जगातील 70 देशांमध्ये निवडणूक पुढे ढकलण्यात आली आहे.

- सर्वसामान्य नागरिकांचे आरोग्य जपत लोकशाहीचा अधिकार वापरण्याची संधी देण्यात आली आहे

- नवीन सुरक्षा नियमांच्या आधारावर विधानसभेची निवडणूक होईल

- देशातील 8 राज्यातील राज्यसभेच्या 18 जागा यांची देखील निवडणूक घेतली जाणार आहे.

-एका मतदान केंद्रावर ती हजार मतदारांची व्यवस्था करण्यात आली आहे यामुळे मतदान केंद्रांची संख्या वाढली आहे.

- बिहारमध्ये 7.2 कोटी मतदार आहेत

- बिहार राज्यात विधानसभेची मुदत 29 नोव्हेंबर 2020 रोजी संपणार आहे. बिहार विधानसभेचे 243 सदस्य आहेत, त्यापैकी 38 जागा अनुसूचित जमातींसाठी आणि दोन एसटीसाठी राखीव आहेत.

-सकाळी 7 ते सायंकाळी 6 पर्यंत होणार मतदान बिहार विधानसभा निवडणुकीसाठी एक तास मतदानाची वेळ वाढविण्यात आली आहे हा निर्णय नक्षलग्रस्त मतदान केंद्रावर लागू लागू होणार नाही

-प्रत्येक मतदान केंद्रावर ती थर्मल स्कॅनर लावण्यात येणार. जवळपास 46 लाख मास्कचा वापर करण्यात येईल सोबतच पीपीई वापर करण्यात येणार आहे.

-कोरोनाच्या काळात होणारी ही सर्वात मोठी निवडणूक आहे.

-जवळपास एक लाख मतदान केंद्र असणार आहेत.

-कोरोनामुळे सामाजिक अंतर करण्यात सक्तीचे करण्यात आले आहे.

-मतदारांसाठी हात मोजे उपलब्ध करून देण्यात आले आहेत.

- नवीन सुरक्षा नियमांच्या आधारावर विधानसभेची निवडणूक होईल

- एका मतदान केंद्रावर ती हजार मतदारांची व्यवस्था करण्यात आली आहे यामुळे मतदान केंद्रांची संख्या वाढली आहे.

बिहार विधानसभेतील बलाबल (एकूण 243 जागा)

एनडीए- 125

आरजेडी- 80

आयएनसी- 26

सीपीआय- 3

एचएएम- 1

एमआयएम- 1

आयएनडी- 5

रिक्त- 2

पक्षनिहाय बलाबल

आरजेडी- 80

जेडीयू- 71

भाजप- 53

काँग्रेस- 27

LNJP- 2

RLSP-2

HAM-1

अपक्ष- 4